खोज

रूपन्देहीको देवदहमा रहेको मायादेवि अनाथलय आश्रममा ताला लगाइएको छ ।
आश्रम संचालन गर्दा आवश्यक मापदण्ड पुरा नगरेको हुदा देवदह नगरपालिकाले आश्रममा ताला लगाएको हो । आश्रममा रहेका बालवालिकाहरूलाई दुव्र्यवहार तथा कुटपिट गरेको भन्ने थाहा पाएपछि नगरपालिकाले ताला लगाएको हो ।
अनाथ आश्रममा रहेका बालवालिकाहरूलाई अमानविय क्रियाकलाप गर्ने गरेको स्थानिय टोपबहादुर परियारले बताए । आश्रममा ८ जना अनाथ बालबालिकाहरू रहेका छन् । उनीहरूको अवस्था आश्रममा खासै राम्रो नदेखेको उनले बताए । त्यसैगरी अर्का स्थानिय जयकिशन अधिकारीका अनुसार अनाथहरूको नाममा आश्रम संचालन गरेर संचालकहरूले आफ्नो पेट भर्ने काम मात्र गरेको सुनाए ।
देवदह वडा नं ८ का वडा अध्यक्ष डण्डापानी भट्टराईले आश्रमले गर्ने कार्यमा पारदर्षिता नभएको तथा अरूले दिइएको खाना, लत्ताकपडा समेत उनीहरूले नपाएको भन्ने गुनासो आएपछि बन्द गरिएके बताए ।
उता देवदह नगरपालिका प्रमुख हिराबहादुर खत्रीले मापदण्ड सहितको अनाथ आश्रम नगरपालिकाले जबसम्म संचालन गर्न सक्दैन तबसम्म मापदण्ड विपरित संचालन गरिएका आश्रमहरू हामीले बन्द गर्र्ने प्रक्रियामा पुगेको बताए ।
उनले भने –“यो आश्रम विवादित तरिकाले संचालनमा आएपछि, हामीले अध्ययन ग¥यौ र नेपाल सरकारले निर्दिष्ट गरेका कार्यविधिहरू अनुसार संचालन नभएको पाउदा अल्लि दुःख पनि लाग्यो, हामीले संचालकहरूलाई सुध्रिन समय पनि दिएका थियौ, तर त्यसो नभएपछि हामीले बाध्य भएर यहाँका बालवालिकाहरू अन्यन्त्र सार्नु परेको हो ।” अनाथ आश्रमका बालबालिकाहरूलाई देवदह नगरपालिकाको टोली, प्रहरी, पत्रकार र स्थानीयहरूको सहभागितामा बुटवलको बाल गृह कल्याणमा ४ जना र नेपाल अभिनास अनाथलय कोटिहवा तिलोत्तमामा ४ गरी बाल गृह कल्याणका संचालक कमला ज्ञवालीलाई हस्तान्तरण गरिएको थियो ।