खोज

बुटवल, १० फागुन । लुम्बिनी प्रदेशका दुई वटा निर्देशनालय, मातहतका कार्यालयहरूले अर्धबर्षमा ५० प्रतिशत प्रगति हासिल गर्न सफल भएका छन् । प्रदेशको कृषि तथा भूमि व्यवस्था मन्त्रालय अन्तर्गतका कृषि विकास निर्देशनालय र पशुपंक्षी तथा मत्स्य विकास निर्देशनालयले आफ्नो मातहतका कार्यलयहरू सहितको एक मुष्ट भारित प्रगति ५० प्रतिशत भन्दा बढि प्राप्त गर्न सफल भएका हुन । कृषि विकास निर्देशनालयको १८ वटा कार्यलयहरूको एक मुष्ट भारित प्रगति कुल ५०.२ रहेको छ भने अर्को निर्देशनालय पशुपंक्षी तथा मत्स्य विकास निर्देशनालयको भने ४९ प्रतिशत रहेको पाइएको हो ।

अर्धबार्षिक तथा तेस्रो त्रैमासिक प्रगति समीक्षा अनुसार कृषि विकास निर्देशनालय आफ्नो भने ५८.२ प्रतिशत एकमुष्ट भारित प्रगति गरेको हो । निर्देशनालयको अनुसार सबैभन्दा बढि विउविजन प्रयोगशाला भैरहवाको ८५.९ प्रतिशत भारित प्रगति हासिल गर्न सफल भएको हो । उक्त कार्यालयले ६९.८ प्रतिशत खर्च अर्धबार्षिक तुलनामा र बार्षिक तुलनामा कुल ४२.३ गरि कुल ८५.९ प्रतिशत हासिल गर्न सफल भएको हो ।
१८ वटा मातहतका कार्यालयहरू रहेको कृषि विकास निर्देशनालयका मध्ये सबैभन्दा कमजोर एकिकृत कृषि तथा पशुंक्षि विकास कर्याालय बर्दीया रहेको छ । जसले बार्षिक तुलनामा १०.९ र अर्धबार्षिक तुलनामा १८ प्रतिशत गरी कुल ३०.४ प्रतिशत मात्रै प्रगति हासिल गरेको छ ।

कृषि विकास निर्देशनालय अन्र्तगत प्रदेशमा ९ वटा कृषि ज्ञान केन्द्र र ३ वटा एकिकृत कृषि कार्यालय, कृषि विकास प्रर्वद्धन तथा सहयोग तालिम केन्द्र, बाली संरक्षण प्रयोगशाला, माटो परिक्षण प्रयोगशाला र विउ विजन प्रयोगशाला २ वटा रहेका छन् । पशुपंक्षि तथा मत्स्य विकास निर्देशनालय अन्र्तगतका कुल १९ वटा कार्यालयहरूको भारित प्रगतिश कुल ४९ प्रतिशत रहेको छ । जसमा वित्तीय २९.८३ प्रतिशत, रहेको हो । निर्देशनालयको आफ्नो कार्यालयको प्रतिगती वित्तीय २९.७९ प्रतिशत र खर्च ९६.१२ प्रतिशत अर्धबार्षिककमा रहेको छ । सो अवधीको ४१.०५ प्रतिशत भारित प्रगति हासिल गर्न सफल भएको निर्देशनालयका निमित्त प्रमुख डा. प्रवेशसिंह कुँवरले जानकारी दिए ।

आर्थिक २०८०/०८१ को अर्धबार्षिक अवधीमा कुखुरा विकास फार्मको भारित प्रगति सबैभन्दा बिढ देखिएको छ । उक्त कार्यालयको प्रगति कुल ८७.८१ प्रतिशत रहेको हो । सबैभन्दा कममा भेटेरिनरी अस्पताल तथा पशु सेवा विज्ञ केन्द्र दाङ रहेको छ जसले कुल भारित प्रगति २९.५१ र वित्तीय प्रगति २७.९ प्रतिशत गरेको छ । यो निर्देशनालय अन्र्तगत ९ वटा भेटेरिनरी अस्पताल तथा पशु सेवा विज्ञकेन्द्र, ३ वटा एकिकृत कार्यालय र पशु सेवा तालिम केन्द्र, कुखुरा विकास फार्म, मत्स्य विकास केन्द्र, पशुपंक्षि रोग अन्वेषण प्रयोगशाला गरी कुल १७ वटा कार्यालय रहेका छन् ।

जनशक्ति अभाव

प्रदेशका कृषि विकास निर्देशनालय मातहतका १८ वटा कार्यालयहरूमा कुल २ सय ५८ जना दरबन्दी रहेकोमा ९० दरबन्दी खाली छ । जसमा हाल सम्म १ सय ६८ दरबन्दी मात्रै पदपूर्ति भएको छत । प्रदेशमा ति कार्यालयहरूमा करारका नायव प्राविधिक सहकाय १ सय ७१ जना, अन्य २३ गरी कुल १ सय ९४ दरबन्दी पदपुर्ती भएको छ । कृषि विकास निर्देशनालय बुटवलका निमित्त प्रमुख राम प्रसाद पाण्डेले प्राविधिक जनशक्तिको अभावको कारण काम कारवाहीमा समस्या भएबो बताउँछन् । उनले प्रायाप्त मात्रामा दक्ष जनशक्ति प्रदेश सरकारले व्यवस्थापन गर्नुपर्ने बताउँछन् । पशुपंक्षी तथा मत्स्य विकास निर्देशनालयमा कुल २४ दरबन्दीमा १० रिक्त छ । भने मातहतका कार्यालयहरूमा कुल १ सय ७३ जना दरबन्दी रहेकोमा कुल ६२ दरबन्दी खाली छ । जसमा ११४ दरबन्दी मात्रै पदपुर्ती भएको हो । सबैभन्दा बढि भेटेरिनरी अस्पताल दाङमा १० जनाको दरबन्दी खाली छ ।