खोज

तिलोत्तमा, २४ चैत ।

तिलोत्तमा नगरपालिका वडा नम्बर ४, चेतनशील वडा बाल सञ्जालको आयोजना तथा ४ नम्बर वडा कार्यालयको आर्थिक सहयोग र समन्वयमा वडास्तरीय वक्तृत्वकला प्रतियोगिता शनिबार सम्पन्न भएको छ, ।

कार्यक्रममा तिलोत्तमा नगरपालिका भित्रका १७ वडामध्ये १२ वटा वडाको सहभागिता रहेको थियो । कुलत र बालश्रम मुक्त तिलोत्तमा अभियान भन्ने शीर्षकमा वक्तृत्वकला गरिएको चेतनशील बाल सञ्जालकी अध्यक्ष प्रिन्सा गौतमले जानकारी दिइन् ।

कार्यक्रमको उदघाटन वडा नम्बर ४ का वडा अध्यक्ष हरिबहादुर क्षेत्रीले गरेका थिए । कार्यक्रममा वडा सदस्यहरू, नगर बाल सन्जाल अध्यक्ष विवेक खड्का, सहभागी वडाका वडा सदस्य तथा बालमैत्री सम्पर्क व्यक्तिहरु, बाल मैत्री सहजकर्ताहरुको उपस्थिति थियो ।

बालबालिकालाई कलतमा लाग्नबाट रोक्न र तिलोत्तमालाई बालश्रम मुक्त गर्ने मुख्य उद्देश्यले वक्तृत्वकला गरिएको वडा सचिव काशीराम ज्ञवालीले जानकारी दिए । बालमैत्री दिगोपनाका लागि निरन्तर यस्ता खालका कार्यक्रम र अन्तर वडा स्तरीय कार्यक्रम प्रभावकारी हुने उनले बताए ।

कार्यक्रममा मूल्याङ्कनकर्ताको संयोजक जनज्योति माविका शिक्षक पिताम्बर पराजुली र सदस्य मावि शिक्षक सविता पौडेल राधिका घिमिरे रहेका थिए । उक्त कार्यक्रममा प्रथम स्थान एकता बाल सञ्जाल तिलोतमा वडा न ११ की विनिशा बगाले, द्वितीय स्थान नमुना बाल सन्जाल वडा नं १६ की प्रतिभा न्यौपाने र तृतीय स्थान बाटिका बाल सन्जाल वडा नं २ प्रतिज्ञा सुवेदीले हासिल गरेका थिए । सहभागीलाई प्रमाणपत्र तथा प्रथम, द्वितीय र तृतीय हुनेलाई प्रमाणपत्र सहित पुरस्कार समेत वितरण गरिएको थियो।