खोज

गाउँको खेतबारी बेची पछुताएको छु
शहर तिर एउटा घर बनाएको छु ।। १ ।।
गाउँ मा बारी राम्रै थ्यो खेत पनि त्यस्तै
लैना बकेर्ना भैंसी बाख्रा नि थे मस्तै
थिए रुख पात डाला डुली टन्नै
थियो खर खरियान विश रोपनी झण्डै

सब ती आज मैले हराएको छु
गाउँ को खेत बारी बेची बहुत पछँताए को छु ।। २।।
गाउँमा म मान्छेले भैंसी दुहुन्थ्यो
साँझ बिहानको दूध डेढ पाथी हुन्थ्यो
दूध घ्यू कति खाइन्थ्यो खाइन्थ्यो
त्यो खाएर ऊपर खुट्टी लाइन्थ्यो

ती दिन सम्झदा अति हरेस खाएको छु
गाउँ को खेत बारी बेची बहुत पछुताए को छु।। ३।।
गाउँ मा मकै तोरी छरिन्थ्यो शब्जी उब्जाइन्थ्यो
किन्न पर्दैनथ्यो घर कै ताजा ताजा खाइन्थ्यो
मुला पास्से फल फूल हुन्थ्यो सबै
कुनै चीज को कमी थिएन कबै

ऐले किन्न चिम्री पर्या आलु गोवि धाएको छु
गाउँ को खेत बारी बेची बहुत पछुता एको छु।। ४।।
खरीयान खेत बारी बरै कति राम्रो कति
थियो यी दुई आँखाले देख्नै न सक्ने जति
त्यत् रो बेची सिर्फ २०हात लम्बाई १०हात चौडाई
यत्ति मै खुम्च्या छु शहर मा घर बनाई

सही अर्थमा साँच्चै दुःख पाएको छु
गाउँ को खेत बारी बेची बहुत पछुताएको छु।। ५।।
यता उता डुल्न मोटर साइकिल ल्याएको छु
न नाफा न प्रगति त्यत्तिकै त्यो दौडाएको छु
त्यसको टंकी मा इराक को पेट्रोल खनाए को छु
भा न भाका पैसा भरी सब त्यसैमा भ्याएको छु

म झन् पछि झन् अति फट फटाएको छू
गाउँ को खेत बारी बेची बहुत पछुताए को छु।। ६।।
शहर मा घर बनाऊं दा करोड रूपैयाँ लगाइयो
जमा पूंजी र सम्पति बेच्या सब पैसा भ्याइयो
जेन – तेन दुई छाक टर्या छ
खान लाई धौ धौ पर्या छ

यो यस्तो देख्दा म जुर्मुराएको छु
गाउँ को खेत बारी बेची बहुत पछु ताएको छु।। ७।।

घर अगाडि बाटो पर्छ बस दौड्या देखिन्छ
घर पछाडि चाले कदम अरूको जगा टेकिन्छ
घर को दाँया पट्टी अर्कैको पर्छ
घर को बायाँ तिर कसैको झन् ठूलो घर छ

यो यस्तो स्थिति बाट तिलमिलाएको छु
गाउँ को खेत बारी बेची बहुत पछुताएको छु।। ८।।

कहीँ कतै भविष्य उज्वल देख्दिन
घर बेचौं भने बेच्न पनि सक्दिन
कहिले सोच्छु घर बेचे पछि मूल्य बढ्ने हो कि
एक करोड को त्यो फेरि डेढ करोड पर्ने हो कि

यस कारण वस् म साह्रै कनकनाएको छु
गाउँ को खेत बारी बेची बहुत पछुता एको छु। । ९।।
गाउँ को खेत बारी बेची बहुत पछुताएको छु …….
सनपा,३ अर्घाखाँची , हाल बुटवल १२ तामनगर