खोज

बुटवल, २४ चैत ।
गत फागुन २८ गते नयाँगाउँ खानेपानी तथा सरसफाई उपभोक्ता समितिमा नेपाली कांग्रेसकी मीना घर्ती (जीसी) विजयी भइन् । नेकपा एमालेका नामबहादुर कुँवरले ८०८ र स्वतन्त्र उम्मेदवार बामदेव भुसालले ७५८ मत प्राप्त गरे । चुनाबमा दलिय गठबन्धन गरेका ठूला दलहरू नेकपा एमाले, नेपाली कांग्रेसलाई करिव करिब स्वतन्त्र उमेद्वार भुषालले टक्कर नै दिए । एमाले, माओवादी र जनमोर्चा मिलेर चुनाव लडेका एमाले गठबन्धन अध्यक्षमा हा¥यो । जीसी ८ सय १४ मत सहित विजयी भएकी थिईन् । फागुन २४ गते सम्पन्न निर्वाचनमा बुटवल वडा नं. १२ र १३ का ४,७०६ मतदातामध्ये २,६०४ जनाले मतदान गरेका थिए ।

बुटवल १२, १३ मा अधिकांस एमाले समर्थीहरूको बाहुल्यता भएको क्षेत्र मानिन्छ भने वडा अध्यक्ष भने दुई पटक १३ मा नेपाली कांग्रेस का नारायण बहादुर पुन विजयी भएका छन् । तर पछिल्लो समयमा फेरिएको माहोल अनुसार स्वतन्त्र व्यक्तिहरु दलिय गठबन्धनको विरुद्धमा चुनाव जित्दै आएका छन् भने कतिपय स्थानमा हावी समेत बन्दै आएका छन् ।
यस्तै गत चैत १३ गते बुटवल वडा नम्बर २ मा रहेको फुलबारी खानेपानी तथा सरसफाई उपभोक्ता समितिको नयाँ नेतृत्व भएको निर्वाचनमा ठुला दलको गठबन्धनलाई पराजीत गर्दै दीर्घकालीन सहकारीका अध्यक्ष समेत रहेका अभियान्ता हिक बहादुर दलार्मी मगर विजयी भए । दोस्रो साधारण सभा तथा प्रथम अधिवेसनसंगै नयाँ नेतृत्वका लागि राजनीतिक दलका उम्मेदवारहरू छुट्टाछुट्टै प्यानल बनाएर निर्वाचनमा होमिएका थिए । निर्वाचनमा नेपाली कांग्रेस पार्टी, नेकपा एमाले, एकिकृत समाजवादी, नेकपा माओवादी केन्द्र, मंगोल अर्गनाईजेसन, राष्ट्रिय जनमोर्चा, राप्रपा, राष्ट्रिय जनमुक्ति पार्टी, राष्ट्रिय स्वतन्त्र पार्टी लगायत ३ समुह प्यानल बनाएका थिए । कांग्रेस र एमाले को छुट्टाछुट्टै प्यानल खडा गरेपछि उम्मेदवारलाई चुनौती दिँदै बेग्लै प्यानल खडा गरेका थिए । जुन प्यानलबाट दर्लामी विजयी भएका हुन । अध्यक्षमा चुनाव लडेका एमालेका सन्तोष श्रेष्ठ पराजीत भएका थिए ।

यो केही उदाहरण मात्रै हुन् । शुक्रबार रूपन्देहीकै तिलोत्तमा नरपालिका वडा नम्बर ४ मा सत्तारुढ प्रमुख दुई दल नेकपा एमाले र नेपाली कांग्रेसको गठबन्धनलाई हराउँदै शंकरनगर वन बिहार तथा अनुसन्धान केन्द्र (वन वाटिका) को अध्यक्षमा नेत्रविक्रम चन्द विप्लव निकट उम्मेदवार खिमलाल पाण्डे विजयी भएका छन् । सचिवमा पनि गठबन्धनका उम्मेदवारलाई बागी उम्मेदवारले फराकिलो मतान्तरले पराजित गरेका छन् । केन्द्रको चौथो अधिवेशनबाट अध्यक्षमा एमाले–कांग्रेस गठबन्धनका उम्मेदवार इन्जिनियर किरण खरेललाई १३५ मतान्तरले पराजित गर्दै विप्लव निकट उम्मेदवार खिमलाल पाण्डे विजयी भएका हुन् । पाण्डे यसअघि उपाध्यक्ष थिए भने खरेल कार्यसमिति सदस्य थिए ।

पाण्डेले ३९६ मत पाएर निर्वाचित हुँदा खरेलले २३४ मत पाए । राष्ट्रिय जनमुक्ति पार्टीकी उम्मेदवार टिकादेवी आलेले ३९ मत पाइन् । अध्यक्षमा निर्वाचित पाण्डेलाई माओवादी केन्द्रले उम्मेदवारी नै फिर्ता लिएर साथ दिएको थियो भने एमाले र कांग्रेसका असन्तुष्ट पक्षले आन्तरिकरूपमा साथ दिएका थिए । पछिल्लो समयमा रूपन्देही सहित विभिन्न स्थानमा ठूला भनिएका दलीय गठबन्धन पराजीत हुँदै गएको पाइएको छ । ठूला दलहरूले दलिय गठबन्धन बनाएर विभिन्न संघ संस्थामा चुनाव जित्ने ‘राजनीतिक दम्भ’ पालेको भएपनि नतिजाहरूले त्यसलाई उल्टो बनाएको छ ।

नेकपा एमाले निकट युवा नेता देबराज पोखरेलले पछिल्लो समयमा राजनीतिक दलले गर्ने कार्यप्रणालीकै कारण जनस्तरबाट विरोध भैरहेको बताउँछन् । उनले राजनीतिक दलहरूमा भैरहेको ‘दम्भ नै अलोकप्रीय बादको उपज’ भएको टिप्पणी समेत गरेका छन् । सामाजिक सञ्जालमा लेख्दै पोखरेलले भनेका छन बनबाटिका हारियो, कांग्रेससंग गठबन्धन गरि भिजनरी युवा ईन्जिनियर उठाउँदा समेत हार ब्यहोर्नु पर्योे, कम्तिमा तपाईं आफैले समीक्षा गर्नुस्, यति धेरै बजेट हाल्दा, यति धेरै महत्वपूर्ण योजनाहरू अघि सार्दा समेत किन जश पाउने अवस्था बनेन’ उनले रूपन्देही क्षेत्र नम्बर २ का सांसद तथा उपप्रधान तथा अर्थमन्त्री विष्णु पौडेललाई मेन्सन गर्दै लेखेका छन् –‘मैले ४÷५ बर्ष अगाडि नै हरेक भेटमा समस्या र समाधानका बिषयमा तपाईलाई जानकारी गराएकै हो, जनमत जाँदैछ भनेकै हो फेरिपनि समस्या र समाधानका डकुमेन्ट चाहिए, बनाउन म तयार छु, तर, आत्मसमिक्षा जरुरी छ ।’