खोज

कपिलवस्तु,  १९ चैत्र। 
कपिलवस्तुका कृषकलाई सम्मान गर्ने तथा कृषि पेशा प्रतिको आकर्षण बृद्धिका लागि कपिलवस्तुमा एग्रीवस्तु कृषि तारा कपिलवस्तु २०८२ आयोजना गर्न थालिएको छ । नेपाल पत्रकार महासंघ कपिलवस्तु शाखाद्वारा आयोजित पत्रकार सम्मेलनमा एग्रीवस्तु कोल्ड स्टोरेज प्रा.लि. कपिलवस्तुका प्रबन्ध निर्देशक आषिश शर्माले कृषी ताराको आवेदन चैत्र १८ देखी बाट बैशाख १५ सम्म खुल्ला गरिएको जनाए ।

एग्रीवस्तु कोल्ड स्टोरेज प्रा.लि. कपिलवस्तुले आयोजना गर्ने एग्रीवस्तु कृषि तारा कपिलवस्तु २०८२ को मुख्य प्रायोजक दीपकुमार उपाध्याय फाउण्डेसन र सहकार्य नेपाल पत्रकार महासंघ कपिलवस्तु शाखाले गर्ने शर्माले जनाए । आवेदन दिएका कृषक र कृषी संस्था, सहकारी मध्यबाट प्रथम, दोस्रो र तेस्रो उत्कृष्ट कृषक छनौट गरि पुरस्कार प्रदान गरिने छ । ३ वटा बिद्यामा दिईने पाँच वटा पुरस्कार मध्य उत्कृष्ट कृषक मध्यबाट प्रथमले १ लाख, दोस्रोले ७५ हजार र तेस्रोले ५० हजार पुरस्कार पाउने छन । त्यसै गरि १,१ जना विदेशबाट फर्किएका उत्कृष्ट कृषी उद्यमी र उत्कृष्ट महिला कृषक छनौट गरि ५०/५० हजार दरको पुरस्कार दिईने छ । एग्रीवस्तु कृषी तारा कपिलवस्तु २०८२ को ब्राण्ड एम्बेस्डरमा चर्चित हास्यकलाकार जितु नेपाल (मुन्द्रे) रहेको प्रबन्ध निर्देशक शर्माले जानकारी दिए ।

आवेदकले अनलाईन र आवेदन फारमको तोकिए अनुसारका प्रमाण संलग्न गरि कृषी ताराको आवेदन दिन सक्ने छन । आवेदकहरुबाट उत्कृष्ट छनौटका लागी बिषयगत क्षेत्रको समन्वयमा बिषयविज्ञले संलग्न प्रमाण र स्थलगत अवलोकनका आधारमा उत्कृष्ट कृषकको छनौट गरे पश्चात पुरस्कार बितरण समारोहको आयोजना गरि पुरस्कार हस्तान्तरण गरिने जनाईएको छ । हाललाई कपिलवस्तु जिल्लाबाट शुरु गर्न थालिएको कृषी ताराको कार्यक्रम सञ्चार क्षेत्रको समन्वयमा भविष्यमा प्रदेशस्तर सम्म बिस्तार गर्ने लक्ष्य राखिएको उनले जनाए । “कृषी तारा मार्फत उत्कृष्ट कृषकलाई दिने पुरस्कार र सम्मान सहि स्थान र व्यक्ति सम्म पुग्न सञ्चार क्षेत्रको अहम भुमिका रहन्छ । त्यसैले सञ्चारकर्मी सँग हामी निरन्तर समन्वयमा रहने छौं ।” शर्माले भने ।

जिल्लामै पहिलो पटक शुरु हुन थालेको कृषी तारा पुरस्कारले कृषक र कृषी क्षेत्रको प्रबद्र्धनमा सहयोग पुर्याउने भएको हुदाँ सञ्चार क्षेत्रले प्रचार प्रसारमा सहयोग गर्ने नेपाल पत्रकार महासंघ कपिलवस्तु शाखाका उपाध्यक्ष खग प्रसाद चापागाईले बताए । देशमा अन्य बिभिन्न बिद्यामा पुरस्कार दिदै आएको भए पनि कृषकका लागि पुरस्कार दिने बिषयले युवा र कृषकलाई कृषी कर्म प्रति उत्साहित बनाउने महासंघकी अर्की उपाध्यक्ष दिपा महतको भनाई थियो । महासंघ शाखा सचिव शनिउल्लाह धोबीको सञ्चालनमा सम्पन्न पत्रकार सम्मेलनमा कृषी ज्ञान केन्द्र कपिलवस्तुका प्रमुख भाष्कर पौडेल, समाजसेवी डोलकराम घिमिरे, काँग्रेस कपिलवस्तु नगरपालिका सभापति खुर्सेद अहमद खाँ, कपिलवस्तु बहुमुखी क्याम्पसका पुर्व क्याम्पस प्रमुख डाक्टर विनय पाण्डेय, पत्रकार महासंघ निर्वतमान शाखा अध्यक्ष किरणमान बज्राचार्य, युवा नेताहरु बिजय खनाल, परमेश्वर पाठक लगायतको सहभागीता रहेको थियो ।

समाचार सगै तस्बिर पनि छ ।