खोज

बुटवल, २३ चैत । अक्षर इन्टरनेशनल स्कुलले आफ्नो ११औं बार्षिकोत्सव तथा अभिभावक दिवस मनाएको छ । बार्षिकोत्सवको अवसरमा विद्यालयले शैक्षिक शत्र २०८१ को पुरस्कार तथा विभिन्न अतिरिक्त कृयाकलापमा उत्कृष्टता हासिल गरेका विद्यार्थीहरुलाई पुरस्कृत गरेको हो ।

कार्यक्रममा नेशनल प्याब्सनका केन्द्रीय उपमहासचिव विष्णुप्रसाद पौडेल, विद्यालय संचालक समितिका अध्यक्ष अमरनाथ पाठक,नेशनल प्याब्सनका केन्द्रीय सदस्य बिलप्रसाद गुरुङ, नेपाल पत्रकार महासंघका सहसचिव झविन्द्र देवकोटा, पुस्तक ब्यवसायी गोपालप्रसाद बस्याल, अक्षर एकेडेमीका प्रिन्सिपल रुपा श्रेष्ठ पाठक, अक्षर इन्टरनेशनल स्कुलका प्रिन्सिपल साधना भण्डारी, विद्यालयका ऐकेडेमिक कोर्डिनेटर प्रतिक्षा शर्मा, शिक्षक दिपा पराजुली, अभिभावक तुल्सीराम पोखरेल, शिक्षक दुर्गा सापकोटा तिवारीले विद्यार्थीहरुलाई पुरस्कार वितरण गरे ।

कार्यक्रममा नेशनल प्याब्सनका केन्द्रीय उपमहासचिव विष्णुप्रसाद पौडेलले समयानुकुल शैक्षिक सिकाई आजको आवश्यकता भएको बताए । समयानुसार विद्यार्थीहरुलाई शिक्षण सिकाईमा जोड दिनुपर्ने भन्दै सुचना र प्रविधिको विकाससँगसँगै विद्यार्थीलाई पनि दुरुस्त सिकाइमा सक्रिय बनाउन आग्रह गरे ।

कार्यक्रममा विद्यार्थी तथा अभिभावकहरुले विभिन्न प्रकारको साँस्कृतीक प्रस्तुती तथा नृत्य प्रस्तुत गरेको शिक्षक शिला कोइरालाले बताईन ।