खोज

नेपाली काँग्रेस जिल्ला कार्य समिती कपिलवस्तुले पत्रकार सम्मेलनको आयोजना गरि प्रेस बिज्ञप्ती मार्फत आफना निर्दौष कार्यकर्तालाई पक्राउ गरिएको भन्दै बिरोध जनाएको छ ।
पार्टीका जिल्ला सचिव महेन्द्र पाठकले जारी गरेको प्रेस बिज्ञप्तीमा २०७५ मंसिर ८ गते राती जिल्लाको शुद्धोधन गाँउपालिकाको वडा नम्बर ४ मोतीभारीका राजा बाबु भन्ने दिपेन्द्र कुमार चौधरीको हत्याको घटना दुखद भएको उल्लेख छ । घटना पछि दोषीलाई कारवाही हुनु पर्नेमा आफना पार्टीका तत्कालिन बिठुवा गाबिसका ईकाई सभापति अमित कुमार पाण्डेयलाई पक्राउ गरि कारवाही गर्ने कार्य कानुनी शासन र मानव अधिकारको उल्लंघन भएको उल्लेख गरिएको छ ।
घटना पश्चात प्रशासनको मौनताका बिच केहिी राजनैतिक दलको उपस्थितीमा अपराधिक व्यक्तिको समुहले निज अमित कुमार पाण्डेयको घरमा लुटपाट गर ४ करोड बढिको क्षति पुर्याउने कार्य दुर्भाग्यपुर्ण रहेको बिज्ञप्तीमा उल्लेख छ । नेपाल सरकारले उक्त घटनाको छानबिन गरि तत्काल शान्ति व्यवस्था कायम गरि दोषी माथी छानबिन गरि तत्काल शान्ति व्यवस्था कायम गरेर दोषीलाई कारवाही सगै क्षतिपुर्त दिलाउन तथा निर्दोष अमित कुमार पाण्डेयलाई रिहाई गर्नु पर्ने माग गरिएको छ । पत्रकार सम्मेलनमा पार्टीका पुर्व जिल्ला सभापति सुधाकर पाण्डेय, जिल्ला सचिव महेन्द्र पाठक, कोषाध्यक्ष शोहरत तेली, पुर्व जिल्ला सचिव सुरेश शर्मा, पार्टीका जिल्ला सदस्यहरू माधव पराजुली, परमात्मा पाठक र सञ्चारकर्मीको सहभागीता रहेको थियो ।