खोज

जिल्लामा क्रियाशिल रहेको गैरसरकारी संस्था कपिलवस्तु ईन्ट्रिग्रेटेड डेभलप्मेन्ट सर्भिसेज (किड्स) को सामाजिक परिक्षण सम्पन्न गरिएको छ । जिल्लास्तरीय सरोकारवाला र पिएसआई तथा सेभ द चिल्ड्रेन लगायतका दातृ निकायका प्रतिनिधिको उपस्थितीमा सामाजिक परिक्षणको कार्य सम्पन्न गरिएको हो । सो अवसरमा कार्यक्रम संयोजक कमला शुक्लाले पिएसआईको सहयोगमा सञ्चालित महिला स्वास्थ्य कार्यक्रम, ग्लोबल फन्डको सहयोगको राष्ट्रिय क्षयरोग कार्यक्रम, प्रवासी तथा उनीहरूको परिवारमा एचआईभी÷एड्स न्युनिकरण कार्यक्रम र मोबाईल मलेरिया कार्यक्रम, गरिबी निबारण कोषको सहयोगको गरिब तथा पिछडिएको वर्गको लागी गरिबी न्युनिकरण कार्यक्रमको लक्ष्य, उदेश्य, कार्यक्षेत्र, उपलब्धी, सिकाई र चुनौती बारे प्रस्तुतीकरण गरेकी थिईन ।
सामाजिक परिक्षणको सहजीकरण गैसस महासंघका जिल्ला अध्यक्ष प्रबिण कुमार श्रीवास्तवले गरेका थिए । संस्थाले कपिलवस्तु सहितका अन्य जिल्लामा स्वास्थ्य र स्वरोजगारको कार्यक्रम गर्दै आएकोमा संस्थागत पारदर्शिताका लागी सामाजिक परिक्षणको आयोजना गर्नु सान्दर्भिक रहेको सहभागीहरूले बताए । संस्था सबै सरोकारवाला प्रति पारदर्शि र जवाफदेही भएकै कारण कपिलवस्तु सहितका पाँच जिल्लामा सफल रूपमा परियोजना सञ्चालन गर्दैै आएको संस्थाका कार्यकारी निर्देशक कृष्ण कुमार द्विबेदीले जानकारी गराए ।

संस्थाले परियोजना सञ्चालन गरेका जिल्लाका सरोकारवालाको सहभागीतामा आयोजना गरिएको कार्यक्रम प्रभावकारी हुनुका साथै संस्थागत पारदर्शिताको नमुना भएको पिएसआईका क्षेत्रिय संयोजक बृखराज उपाध्यायले बताए । संस्थाले आयोजना गरेको सामाजिक परिक्षणले संस्थागत बिकासमा सहयोग पु¥याएकोमा सेभ द चिल्ड्रेनका मिन बहादुर सिंह र जिल्ला समन्वय अधिकारी जगन्नाथ लामिछानेले बिश्वास व्यक्त गरे । गैरसरकारी संस्थामा संस्थागत बिकासका लागी निती, बजेट र कार्यक्रममा पारदर्शिता आवश्यक रहेको सहायक प्रमुख जिल्ला अधिकारी रामेश्वर अर्यालले बताए । संस्थाले गरेका कार्यक्रम उपलब्धिमुलक देखिएको बताउदै ग्रामिणतहमा कार्यरत सो संस्थाको कार्य क्षेत्र बिस्तार गर्नु पर्ने जिल्ला समन्वय समितीका प्रमुख नारायण प्रसाद खनालले सुझाव दिए । संस्थाका कार्यवाहक अध्यक्ष दिग्बिजयनाथ पाण्डेयको अध्यक्षता र कार्यक्रम संयोजक हुकलाल अधिकारीको सञ्चालनमा सामाजिक परीक्षणको कार्यक्रम सम्पन्न गरिएको थियो ।