खोज

 लायन्स क्लब अफ बुटवल फूलबारीले स्थापानको १३ औं बर्षको अवसरमा स्वाथ्य शिविर गरेको छ । बुटवल र यस आसपास रक्त परिक्षण, निशुल्क दन्त परिक्षण, आँखा परिक्षण (स्वास्थ्य शिविर) तथा साथै शुभकामना आदान प्रदान कार्यक्रम गरेर आफ्नो १३ औं स्थापना दिवस मनाएको हो । क्लवले सोमबार सैनामैना बनकट्टामा रहेको दुर्गाभवानी माविमा निःशुल्क विद्यार्थीको दन्त परिक्षण तथा आखाँ परिक्षण गरेको छ ।
क्लवले लायन्स आँखा अस्पताल बुटवलको प्राविधिक सहयोगमा ४ सय ७५ जना विद्यार्थीहरूको आँखा परिक्षण गरेको छ भने ग्राण्डी डेण्टल बुटवलको प्राविधिक सहयोगमा ४ सय ३० जनाको दाँत परिक्षण गरेको हो ।
बुटवल आँखा अस्पतालका डाक्टर मदन बास्तोलासहितको ६ जनाको टिम र ग्राण्डी डेण्टलका डाक्टर शुक्रराज श्रेष्ठ सहितको चार जनाको टोलिले विद्यार्थीको दाँत र आखाँको परिक्षण गरेको हो ।
लायन्स क्लब अफ बुटवल फुलबारीका अध्यक्ष राजेन्द्र श्रेष्ठ र लायन्स क्लब अफ बुटवल लालिगुराँसका अध्यक्ष रोशनी श्रेष्ठको संयुक्त अध्यक्षतामा भएको कार्यक्रममा लायन्स क्लव ईन्टरनेशनल ३२५ बी टुका बरिष्ठ सल्लाहकार सुरेशरत्न बज्राचार्य, डिष्ट्रिक चिफ द्वारिकाप्रसाद श्रेष्ठ, दुर्गाभवानी मावि ब्यवस्थापन समिति अध्यक्ष बालकृष्ण पौडेल, प्रधानाध्यापक तुल्सीराम शर्मा लगायतले सेवामुखी भावनाले गरिने कार्यले अरूको भलो हुने भएकाले विद्यालयमा गरिएको निःशुल्क स्वास्थ्य शिविरले विद्यार्थीलाई धेरै सहयोग पुगेको बताएका थिए ।
यसैबीच क्लबले यस अघि बुटवलका निशुल्क रक्त परिक्षण कार्यक्रम गरिएको थियो । कार्यक्रममा ५० बढीले मधुमेह, मैगौला तथा युरिक एसिडको परिक्षण गरेको क्लवले जनाएको छ । क्लवले स्थापना दिवसमा शुभकामना आदानप्रदान कार्यक्रम समेत गरेको थियो ।