खोज

अपांगता भएका किशोरीहरूको सीप क्षमता अभिवृद्धि गरी आत्मनिर्भर बनाउन कपिलवस्तुको चन्द्रौटामा बुटिक तालिम संचालन भएको छ ।
शिवराज नगर स्तरीय अपांगता पुनःस्थापना समितिको आयोजनामा अपांगता भएका किशोरीहरूलाई लक्षित गरी तालिम संचालन गरिएको हो । ‘विभेद रहित समाजको परिकल्पना’ भन्ने नारालाई साकार पार्न अपांगता भएका किशोरीहरूका लागि तालिम संचालन गरिएको अपांगता पुनस्र्थापना समितिका शिवराज नगरअध्यक्ष दिपक खडकाले बताएका छन् ।
प्रदेशसभा सदस्य अर्जुन कुमार के.सी.ले अपांगता भएका किशोरीहरूले मनोबल कमजोर नगराउन आग्रह गरे । कार्यक्रममा शिवराज नगरपालिका उपप्रमुख शिवकुमारी थारुले तालिमलाई व्यवहारमा उतार्न प्रशिक्षार्थीहरूलाई आग्रह गरिन् । अपाङ्ग महासंघ पश्चिमाञ्चलकी पूर्वअध्यक्ष कल्पना ढकालले देशमा १० प्रकारका अपाङ्गता भएका व्यक्तिहरूको वर्गीकरण भएको जानकारी दिइन् । किर्डाक नेपालका जिल्ला कार्यक्रम संयोजक हरिप्रसाद लौडारी, राष्ट्रिय मानव अधिकार प्रतिष्ठान कपिलवस्तुका सभापति विष्णुप्रसाद खतिवडा, सामाजिक विकास मञ्चका उपाध्यक्ष विष्णुप्रसाद अधिकारी, जेसिज शिवराज नगर अध्यक्ष सरोज पौडेल, शिवराज नगरपालिका कानुनी सल्लाहकार शरद अधिकारीले तालिम सफलताको शुभकामना दिएका थिए ।
किर्डाक नेपाल र शिवराज नगरपालिका सहयोग रहेको तालिममा १० जनाको सहभागिता रहेको छ । जसमा ७ जना अपांगता भएका किशोरीहरूको सहभागिता रहेको छ । तालिम २ महिनासम्म चल्ने आयोजक संस्था अपांगता पुनस्र्थापना समिति नगरअध्यक्ष दिपक खडकाले बताएका छन् । दुई महिने तालिमको प्रशिक्षक लोकमाया नेपाली रहेको आयोजक संस्थाले जनाएको छ । à