खोज

रूपन्देहीको देवदहमा संचालन गरिएको महायज्ञको आम्दानी खर्चको सार्वजनिकीकरण एवं सम्मान कार्यक्रम सम्पन्न भएको छ ।
दुर्गा पाञ्चायतन मन्दिरको आयोजनामा असोज २४ गतेदेखि कार्तिक १ गतेसम्म धर्मशाला एंवम् भौतिक संरचना निमार्णको लागि स्वर्णिम श्रीमद् देवी भागवतपाठ, श्रीमद्भागवत भक्ति ज्ञान संचालन गरिएको थियो ।
महायज्ञबाट ७० लाख ६ हजार संकलन भएको महायज्ञ मूल आयोजक समितिका अध्यक्ष रमेशचन्द्र रेग्मीले बताए । महायज्ञमा २५ लाख २२ हजार ७ सय खर्च भएको बताइएको छ । महायज्ञमा भक्तजनहरूले कबुल गरेका ३४ लाख २९ हजार उठ्न बाँकी रहेको कार्यक्रममा जानकारी गराइएको छ ।
महायज्ञबाट करिब ४५ लाख बचत गर्न सफल भएको अध्यक्ष रेग्मीले बताएका छन् । सोही अवसरमा प्रदेश नं ५ का प्रदेश सभा सदस्य डा. कृष्णप्रसाद न्यौपानले देवदह ऐतिहासिक एंव् अध्यात्मिक नगरपालिका घोषणा भएको अवस्थामा धर्मशाला निमार्ण गरिनु आफैमा गौरबको विषय भएको बताए ।
उनले लुम्बिनी आउने पर्यटकलाई देवदहमा बास बसाल्न सके आम्दानीको बाटो खुल्ने हुदा प्रदेश सरकार अब त्यसतर्फ ध्यान केन्द्रित रहेको बताए । दुर्गा मन्दिर संरक्षण समिति एवं यज्ञ सम्पादन मूल समारोह समितिको आयोजनामा भएको कार्यक्रममा मन्दिरका अध्यक्ष रमेशचन्द्र रेग्मी, वडा नं ५ का वडा अध्यक्ष झिल्लुप्रसाद न्यौपाने, मन्दिरका सल्लाहकार धुव्रराज न्यौपाने, सचिव कृष्णप्रसाद न्यौपाने लगायतले बोलेका थिए ।
धर्मशाला एंवम् भौतिक संरचना निमार्णको लागि संचालन गरिएको महायज्ञमा कथा व्यास नारीरत्न विदुषी सुश्री अनुराधा शास्त्रीजीको मुखार विन्दबाट कथा प्रवचन भएको थियो । महायज्ञमा १ करोड उठाउने लक्ष्य राखेपनि अन्य जिन्सी सामाग्रीको उपलब्धता सहित लक्ष्य पुरा भएको यज्ञ मूल समारोह समितिका सचिवालय संयोजक धुब्रराज न्यौपानेले जानाकारी गराए । à