खोज

बागचौर नगरपालिका सल्यानको वडा नम्बर ९ भौगोलिक हिसाबले विकट भएपनि कृषि र पर्यटनबाट विकसित बनाइने भएको छ । ९ नम्बर वडा कार्यालयको उद्घाटन गर्दै नगर प्रमुख लोकमान बुढाथोकीले कृषि, पर्यटनको प्रवद्र्धनबाट वडाको विकास गरिने बताएका हुन् ।
बागचौर नगरपालिका लाई आफ्नो कार्यकाल भित्र समृद्ध नगर बनाउनमा लागी परेकाले आफुहरूले गरेका कामको आलोचना गर्नु भन्दा सकारात्मक सोंचका साथ खबरदारी गर्न अनुरोध पनि बुढाथोकीले गरे ।
बागचौर नगरपालिका अत्यन्तै संभावना बोकेको नगरपालिका भएकाले यसमा व्यक्तिबादी सोंच र चिन्तन भन्दा माथी रहेर समग्र नगरको बिकासमा लाग्न सम्पूर्ण नगरबासीहरूमा अनुरोध गरे । कृषि तथा पर्यटकीय हिसाबले धनी भएको ९ नम्बर वडाका वासिन्दाहरू साझा धारणा बनाएर एकताबद्ध भइ अगाडि बढ्नु पर्ने नगरप्रमुख बुढाथोकीको भनाइ थियो । वडा नं. ९ को खोरबारेमा वडा कार्यालय स्थापना भएपछि आफुहरूलाई सबै सेवा सुविधा लिन सहज हुने वडा नं. ९ का स्थानीय बासिहरूले बताएका छन् ।
कार्यक्रममा बागचौर नगरपालिका उपप्रमुख कल्पना पुनले वडा कार्यालय उद्घाटन भैसकेकाले वडा नं. ९ का जनताहरूका लागी वडाले प्रभावकारी ढंगले सेवा प्रवाह गर्नु पर्नेमा जोड दिइन् । प्रमुख प्रशासकीय अधिकृत भीष्म कुमार मल्लले सरकारले कर्मचारी संमायोजन गर्न नसकेकाले नगरका प्रत्येक वडा कार्यालयहरूमा पर्याप्त रूपमा कर्मचारी पु‍¥याउन नसकेको बताए । मल्लले अपर्याप्त कर्माचारीले जनतालाई पर्याप्त सेवा सुबिधा दिन लागी परेको बताए ।
वडा नं. ९ का वडा अध्यक्ष मोहन चन्द, वडा नं. ६ का वडा अध्यक्ष भुपेन्द्र राज वलि, ८ का अध्यक्ष रोमु शाही, ११ का अध्यक्ष मोहन खड्काले शुभकामना व्यक्त गरेका थिए ।यस्तै नेपाल कम्युनिस्ट पाटीका नेता लोक बहादुर डाँगिले बागचौर नगरपालिका वडा नं. ९ कृषि क्षेत्रको प्रचुर संभावना बोकेको वडा भएकाले यसलाई प्रचार प्रसारमा लैजान आफुहरू लागी परेको बताए । उनले वडा नं. ९ मा उत्पादन हुने सुन्तलालाई राष्ट्रियस्तरसम्म पुर्‍याउनको लागी पहल गरिदिन बागचौर नगर प्रमुख लाई अनुरोध गरे । नेपाली काग्रेसका प्रतिनिधि झक्कु प्रसाद वलि, मालेका प्रतिनिधि भिम बहादुर वलि लगायतले पनि मन्तव्य राखेका थिए । यस अघि बागचौर नगरपालीका वडा नं. ८ र ९ ले संयुक्त वडा कार्यालय मार्फतसेवा दिइरहेका थिए ।