© २०२३
१४ पुष २०८१, आईतवार
१४ पुष २०८१, आईतवार
बुटवल,५ माघ । घोराहीका विकास पुन मगर विरुद्ध ज्यान मार्ने उद्योगमा ५ बर्ष कैद गर्ने जिल्लाको फैसला सर्बोच्चले सदर गरेको छ । सर्बोच्चले सदर गरेसंगै उनि लुकिछुपी हिड्दै आएका छन । यसअघि ५० लाख ठगेर भागेका घोराही १५ रतनपुरका ४० वर्षीय पुनलाई सीआईबीले काठमाडौंबाट पक्राउ गरेर दाङ ल्याई जिल्ला प्रहरी कार्यालय दाङले ठगिमा मुद्धा चलाएको थियो । पुनलाई ठगी मुद्दामा धरौटिमा छुटेका थिए । उनको पुरानो मुद्धा ज्यान मार्ने उद्योगमा सर्बोच्चले जिल्लाको फैसला सदर गरेपछि पाँचै बर्ष अब कारागार बस्नुपर्नेछ ।
विकासविरूद्ध ज्यान मार्ने उद्योग अन्तर्गतको मुद्दा पनि सर्वोच्च अदालतले गएको भदौमा फैसला गरेको हो । सर्बोच्च्को फैसला आएपनि जिल्ला प्रहरी कार्यालय दाङले गुण्डा नाईके बिकासलाई संरक्षण गरेर पक्राउ गरेको छैन । जिल्ला प्रहरी कार्यालय दाङले सर्बोच्चले फैसला गरेको तर, प्रहरीलाई कार्यान्वयनका लागि पत्र नआएकाले पक्राउ नगरिएको बताएको छ । दाङको जिल्ला अदालतले पुनलाई ५ वर्ष कैद हुने फैसला सुनाएको थियो । उनी त्यसविरूद्ध सर्वोच्च गएका थिए ।
© २०२३
सर्वाधिकार सुरक्षित
Design & Developed By:
