खोज

नेपाल प्रहरीको छवि धुमिल्याउने गरि पछिल्ला दिनमा भइरहेको प्रहारले आफुहरूलाई दुखित वनाएको रोल्पाका पूर्व प्रहरीहरूले वताएका छन ।
नेपाल प्रहरीको ६३ औं स्थापना दिवस मनाउन सदरमुकाम लिवाङ आएका पूर्व प्रहरीहरूले यस्तो चिन्ता व्यक्त गरेका हुन । ३३ किलो सुन प्रकरण र निर्मला पन्तको हत्या प्रकरणले प्रहरीलाई वदनाम गर्न खोजिएको उनीहरूले आरोप लगाएका हुन ।
नेपाल प्रहरीको वीरतापूर्ण विरासतमा ठेस लाग्ने काम आफुहरूका लागि सैह्य नभएको उनीहरूले वताएका छन । बहुचर्चित ३३ किलो सुन प्रकरण र वलात्कार पछि हत्या गरिएकी निर्मला पन्त प्रकरणको प्रहरीले सत्य तथ्य छानविन गरि दोषीलाई कानूनी दायरामा ल्याउनु पर्ने पूर्व प्रहरी संगठन रोल्पाका अध्यक्ष तेजराज भण्डारीले वताए । एकाध घटनाले प्रहरीको गौरवमय ईतिहासमाथि नै प्रश्न उठ्नु राम्रो नभएको अध्यक्ष भण्डारीको तर्क रहेको थियो
कार्यक्रममा जिल्ला समन्वय समिति रोल्पाका प्रमुख राजवहादुर वुढाले नेपालको प्रहरी सार्क क्षेत्रकै उत्कृष्ट रहे पनि केही घटनाको अनुसन्धानमा हुने विलम्वले प्रश्न उठ्ने गरेको तर्क गरे । प्रहरीले लामो समय लगाएर गरेको अनुसन्धानलाई नै प्रभावित गर्ने गरि राजनैतिक हस्तक्षेप हुदा प्रहरीको मनोवल गिर्ने गरेको बताउँदै प्रहरीलाई व्यवसायिक वनाउन स्वतन्त्र ढंगले काम गर्न दिनुपर्ने प्रमुख वुढाको सुझाव छ । अदालतको आदेशवाट पछिल्लो पटक रिहा गरिएका विप्लव नेतृत्वको नेपाल कम्युनिष्ट पार्टीका नेता कार्यकर्ता प्रति लक्षित गर्दै प्रमुख वुढाले भने प्रहरीले अपराधि समात्ने र अदालतले छोड्न आदेश दिने कार्यले प्रहरीको मनोवल गिरावट आउने भएकाले यस तर्फ सवै सचेत हुनु पर्छ । प्रहरी संगठनलाई सहयोग गरे मात्रै समाजमा शान्ति सुरक्षा र अमन चयन कायम हुने प्रमुख वुढाको भनाई थियो ।
कार्यक्रममा प्रमुख जिल्ला अधिकारी गंजवहादुर क्षेत्रीले नेपालको प्रहरी सेवाले जनताको विश्वास जित्दै यहाँ सम्म ल्याई पु¥याएको वताउदै यसलाई निरन्तरता दिन जरुरी रहेको वताए ।
कार्यक्रममा सशस्त्र युद्धमा ज्यान गुमाएका अमर प्रहरीका श्रीमतीहरूलाई दोसल्ला ओढाई सम्मान गरिएको थियो । यसैगरि सामुदायिक सेवा समिति रोल्पाले अमर प्रहरीका सन्ततीलाई सोही अवसरमा छात्रवृत्ती वितरण गरेको थियो भने जिल्ला प्रहरी कार्यालय रोल्पाले १० उत्कृष्ट प्रहरी कर्मचारीहरूलाई सोही अवसरमा पुरस्कृत समेत गरेको थियो ।
à