खोज

बुटवल, ९ मंसिर । बुटवलमा सम्पन्न अन्तर विद्यालय स्तरिय छात्र/छात्रा कबडडी प्रतियोगिता २०८१ को उपाधि छात्र तर्फ कालिका मानव ज्ञान माबिले चुमेको छ । आईतबार भएको फाईनल खेलमा न्यु होराईजन ईगलिस बोर्डिङ स्कुललाई ४५/४१ अंकले पराजित गर्दै उपाधि चुमेको हो । छात्रातर्फ भने न्यु होराजन ईगलिस बोर्डिङ स्कुलले उपाधि चुमेको छ । फाईनलमा कालिका मानव ज्ञान माबिलाई ३४/३२ अंकले पराजित गर्दै उपाधि चुमेको हो ।

विजेता छात्र/छात्रा दुबैले नगद १५ हजार रुपैया, कप, मेडल, प्रमाणपत्रबाट पुरस्कृत भए भने उपविजेता टिम नगद १० हजार रुपैया, कप, मेडल, प्रमाणपत्रमा चित्त बुझायो ।

प्रतियोगितामा छात्रतर्फ नवीन औधोगिक माबि तेस्रो तथा गार्गी एकेडेमी सान्त्वना भयो भने छात्रातर्फ नवीन औधोगिक माबि तेस्रो तथा मोतिपुर माबि सान्त्वना भयो । प्रतियोगिताको तृतिय र सान्त्वना हुने टिमहरुले नगद ५ हजार रुपैया, कप, मेडल, प्रमाणपत्रबाट पुरस्कृत भए ।

एक समारोहका बिच विजेता, उपविजेता टिमलाई बुटवल उपमहानगरपालिकाका उपप्रमुख साबित्रादेबि अर्याल, बुटवल नगरपालिकाका प्रवक्ता शिव राना, नगर खेलकुद विकास समिति बुटवलका संयोजक बोनिन पियाले पुरस्कार वितरण गरेका छन ।

मंसिर ७ देखि ९ गतेसम्म संचालन भएको प्रतियोगितामा छात्रतर्फ १९ तथा छात्रातर्फ ११ टिम सहभागी भएको खेल संयोजक लालहरि पाण्डेले बताए ।