खोज

 बालबालिकाहरूमा शान्तिको सन्देश फैलाउने उद्देश्यले लायन्स क्लब अफ बुटवल सयपत्रीले मंगलबार पिस पोष्टर (चित्रकला) प्रतियोगिता सम्पन्न गरेको छ ।
तिलोत्तमा नपा डिङ्गरनगरस्थित जनज्योति माविमा सम्पन्न प्रतियोगितामा जनज्योति मा.वि.का विद्यार्थीहरूले सहभागिता जनाएका थिए । कार्यक्रमको उद्घाटन गर्दै डिष्ट्रिक ३२५ वि २ का डिष्ट्रिक कोषाध्यक्ष सुनिता बजिमयले यस्तो प्रकारको कार्यक्रमले समाजमा शान्ति स्थापनामा ठूलो सहयोग पुग्ने बताइन् । तिलोत्तमा नगरपालिकाका प्रमुख प्रशासकीय अधिकृत कृष्ण प्रसाद सापकोटाले लायन्स सयपत्रीले नमुना कार्यक्रम गरेको भन्दै यसले बालबालिकामा शान्तिको सन्देस प्रवाह गरेको बताए ।
कार्यक्रममा विद्यालयका सहायक प्रिन्सीपल कृष्ण पाण्डे, लायन्स एरिया चिफ पुरुषोत्तम प्रधाना·, पीस पोष्टर चिफ राज के.सी, प्रमुख निर्णायक मन गोल्डी, जोन चियर पर्सन अमृता कालिराज, कार्यक्रम संयोजक कमला कुँवर, रेनुका पाण्डे लगायतले बोलेका थिए । सो अवसरमा लिटिल प्रिन्स एण्ड प्रिन्सेस विजेता सुयोग श्रेष्ठलाई पनि सम्मान गरिएको थियो । त्यस्तै दुवै मृगौला फेल भएका सियारी–५ का नारायण गौतमको उपचारको लागि ४२ हजार ३ सय ४० रूपैयाँ नगद पीडितकी दिदी मन्जु क्षेत्रीलाई हस्तान्तरण गरिएको कार्यक्रम संयोजक कमला कुँवरले बताइन् । गौतमलाई रूपन्देही सेवा समाज अभियान कतारले पनि आर्थिक सहयोग गर्ने प्रतिबद्धता जनाएको कुँवरले जानकारी दिइन् ।à