© २०२३
१० मंसिर २०८१, सोमबार
१० मंसिर २०८१, सोमबार
बुटवल–११ देविनगरमा पुन निर्माण गरिएको नवदुर्गा मन्दिरको एक कार्यक्रमका बीच बुधवार उद्घाटन गरिएको छ ।
समाजसेवी तथा मन्दिरका प्रमुख संरक्षक कमल किशोर मालपानीले मन्दिरको उद्घाटन गरेका हुन् । करिब ८२ लाख रूपैयाँ लगानीमा मन्दिर पुनः निर्माण गरिएको श्री नव दुर्गामन्दिर समितिका अध्यक्ष अर्जुन क“ुवरले जानकारी दिए । वि.सं. २०२२ सालमा स्थापित बुटवलकै पुरानो दुर्गामन्दिर पुन निर्माण गरिएको हो । २०३६ सालमा तिलोत्तमा नदीमा ठूलो वेगले वाढी आउँदा पनि देवीको शक्ति देवीनगरलाई बचाएको धार्मिक विश्वास छ भने यसै मन्दिरको नामबाट देविनगर रहन गएको किवदन्ती छ । उद्घाटन कार्यक्रममा संरक्षक मालपानीले संकृति बचाउनु पर्नेमा जोड दिदै यसले मानिसलाई नैतिककतामा राख्ने बताए । समितिका अध्यक्ष अर्जुन क“ुवरले मठमन्दिर संरक्षण गर्नु पर्ने बताए । कार्यक्रममा श्रीङगेश्वर धामका अध्यक्ष ऋषि भण्डारी, निर्माण उपसमितिको संयोजक सावित्रा टण्डन, दाताहरू चुन्नु प्रसाद पौडेल, यज्ञ प्रसाद मरासिनी, उपाध्यक्ष टिकिसरा बस्याल, सचिव लक्ष्मण श्रेष्ठ लगायतले मन्तव्य व्यक्त गरेका थिए । सो अवसरमा दाताहरूलाई सम्मान गरिएको थियो ।
© २०२३
सर्वाधिकार सुरक्षित
Design & Developed By:
