खोज

गुल्मीको पालुखामा शैक्षिक तथा धार्मिक महोत्सव शुरु भएको छ । उक्त महोत्सवको एक कार्यक्रमका बीच उद्घाटन गर्दै प्रदेस ५ का सामाजिक बिकास मन्त्री सुदर्शन बरालले पढेर पनि धेरै युवायुवतीहरू वेरोजगार हुँदा प्रमाणपत्रको सिरानी लगाएर सुत्न पर्ने बाध्यताको अन्त्य हुनु पर्नेमा जोड दिएका छन् । उनले समय अनुकुलको पाठ्य सामग्रीको निर्माणगरि प्रविधि मैत्री शिक्षावाट शैक्षीक गुणस्तरमा सुधार आउने र त्यसले शैक्षीक वेरोजगारको अत्य हुने बताएका छन् ।
गुल्मी जिल्लाको ईश्मा गाउँपालिका २ अन्र्तगत पालुखा माध्यमिक विधालयमा कक्षा ११ र १२ सञ्चालनका लागि आयोजित धार्मिक तथा शैक्षिक महोत्सवमा बोल्दैै मन्त्री बलालले उक्त कुरा बताएका हुन् । उनले २१ औ शताब्दीमा बिश्वको युगमा संसारको जुनसुकै कुनामा उपस्थित भएर प्रतिस्पर्धा गर्न सक्ने योग्य युवा उत्पादन गर्न सरकार लागि परेको बताए । त्यसको निमित्त गाउँमा प्राबिधिक शिक्षा आबश्यक रहेको भन्दै उनले गाउँ घरमै बसी घरकै उत्पादन खाएर प्राबिधिक शिक्षा हासिल गर्ने वातावरण मिलाउन प्रदेश सरकार लागि परेको बताए ।
नौं दिनसम्म पालुखा माबिको छल्दीमा सञ्चालन हुँन गैरहेको उक्त शैक्षीक एवं धार्मिक महोत्सवमा बाल योगेश्वर महाराज प्रमुख कथा वाचकका रूपमा रहेका छन् । महोत्सव संचालन हुनु अघिनै विभिन्न दाताहरूवाट २३ लाख नगद र ८ रोपनी जग्गा निशुल्क रूपमा उपलव्ध भैसकेको महोत्सव मूल आयोजक समितिका संयोजक एवं विद्यालय व्यवस्थापन समितिका अध्यक्ष टिका बहादुर रेस्मीले बताए । महोत्सवबाट उठेको रकमबाट बिद्यालयले आगामी वर्षदेखि कक्षा ११ को पठनपाठन समेत सुरु गर्ने लक्ष्य राखेको छ । असोज ३० गतेसम्म सञ्चालन हुने उक्त महोत्सवमा तीन करोड भन्दा वढी सहयोग संकलन हुने अपेक्षा आयोजकहरूले गरेका छन् ।