खोज

प्रदेश नं.५ का मुख्यमन्त्री शंकर पोखरेलले लुम्बिनी पर्यटन प्रबद्र्धनका लागि लुम्बिनी वरिपरिका सबै बिद्यालयहरूमा बुद्ध शिक्षा लागू गर्नुपर्ने बताएका छन् ।
सो कुरा उनले लुम्बिनी साँस्कृतिक नगरपालिका महिलवार स्थित करुणा महिला बिद्यालयको तेस्रो बार्षिकोत्सव समारोहलाई सम्बोद्धन गर्दै बताएका हुन् ।
मुख्यमन्त्री पोखरेलले गौतमबुद्ध अन्र्तराष्ट्रिय बिमान स्थलको निर्माणकार्य सम्पन्न भए लगत्तै लुम्बिनीमा झण्डै पाँच गुणा पर्यटक बृद्धि हुने भएकाले लुम्बिनीबासी द्वारा ती पाहुनाहरूको स्वागतका लागि प्रत्येक बिद्यालयमा बुद्धशिक्षा अनिवार्य गराउन योजना ल्याए प्रदेश सरकारले सहयोग गर्ने प्रतिबद्धता जनाए ।
पर्यटकहरूलाई लुम्बिनीमा बढी समय सम्म टिकाउन सफासुग्घर आवास,साँस्कृतिक बिबिधतता प्रर्दशन,स्थानीय पथप्रर्दशक देखि लिएर गाँउटोल सम्म पर्यटनमैत्री समाज बनाउन बुद्धशिक्षा जीवन उपयोगी बनाउने कार्यमा सबैले बिशेष ध्यान पुरयाउनु पर्ने बताए ।
सो कुरा कार्यन्वयनका लागि लुम्बिनी बिकास कोष,लुम्बिनी साँस्कृतिक नगरपालिका ,लुम्बिनी बौद्ध बिश्वबिद्यालय सँग समन्वय गरि ठोस योजना बनाई कार्यन्वयनमा ल्याउने प्रदेश सरकारको लक्ष्य समेत रहेको स्पष्ट पारे ।
बर्षिक उत्सव समारोहमा राष्ट्रिय प्रतिनिधीसभा सदस्यद्वय सजितासाक्य,खिमलाल भट्टराई,दुर्गाप्रसाद उपाध्याय, बिधायक फकरुद्दीन मुसलमान,लुम्बिनी बिकास कोष उपाध्यक्ष एवं करुणा महिला बिद्यालय संस्थापक भिक्षु मेत्तेइय प्रिन्सिपल शंकरप्रसाद गौतम लगायतले मक्तब्य ब्यक्त गरेका थिए । à