खोज

सहकारीमा पारदर्शिता हुनका लागि शेयर सदस्यको खबरदारीको आवश्यकता रहने रुपन्देहीको देवदहमा आयोजित एक कार्यक्रमका वक्ताहरुले बताएका छन् । उनीहरुले सरकारको तिन खम्बे अर्थनिति अनुसार सहकारी संचालन हुदा शेयर सदस्यहरुको स्तरबृद्धि तथा उद्यमशिलता तर्फ सहकारी अग्रसर हुनुपर्ने बताएका थिए । शुभलक्ष्मी बचत तथा ऋण सहकारी संस्था देवदहको पाचौँ वार्षिक साधरण सभामा बोल्दै उनीहरुले उक्त कुरा बताएका हुन । सोही अवसरमा देवदह नगरपालिका प्रमुख हिराबहादुर खत्रीले सहकारी मार्फत उन्नत र समुन्नत नेपाल बनाउनको लागि सबै एक भएर लाग्नुपर्ने बताए । उनले सहकारीको माध्यमबाट उद्यमशिल बन्न शेयर सदस्यहरुलाई प्रेरित गर्ने तालिमको आवश्यकता रहेको बताए । साथै बिद्यालयस्तरमा बिद्यार्थीहरुलाई सहकारीको माध्यमबाट आर्थिक उपार्जन गर्न सकिन्छ भन्ने ज्ञानको अवगत गराई विदेश पलायन हुनबाट रोक्न सहकारीले मद्धत गर्नुपर्ने बताए ।
कार्यक्रममा संस्थाका अध्यक्ष कुलप्रसाद अधिकारी, जिल्ला सहकारी संघ रुपन्देहीका सदस्य प्रमोद खनाल, संस्थाका सल्लाहकार एवंम् सामाजिक व्याक्तित्व मणिप्रसाद शर्मा, नेपाल डेरी एशोसियनका केन्द्रिय सदस्य रामकृष्ण पौडेल, नेपाल भारत मैत्री संघका केन्द्रिय उपाध्यक्ष बासुदेव रिमाल, वडा नं ६ का वडा अध्यक्ष दामोदर क्षेत्री, नेसनल को–अपरेटर्स एलायन्स देवदहका अध्यक्ष खुमप्रसाद भण्डारी, आत्मरक्षा सहकारीका अध्यक्ष अमर लामिछाने, संस्थाका व्यवस्थापक अर्जुन पोखरेल, सचिव नेत्र रिजाल लगायतले आ–आफना भनाई राखेका थिए । कार्यक्रममा असल बचतकर्ता, असल ऋणि लगायतलाई सम्मान गरिएको थियो । कार्यक्रममा अध्यक्षको प्रतिवदेन संस्थाका अध्यक्ष कुलपसाद अधिकारी र लेखा प्रतिवदेन लेखा समिति सदस्य नविन न्यौपानेले प्रस्तुत गरेका थिए ।