खोज

 जिल्ला ट्राफिक प्रहरी कार्यालय दाङले नागरीक सहायता कक्ष सञ्चालन गरेको छ । चाडपर्वको समयमा सवारी आवागमन तथा यात्रुहरुलाई सहजता होस् भन्ने उद्देश्यले सहायता कक्ष सञ्चालनमा ल्याईएको जिल्ला ट्राफिक प्रहरी कार्यालय दाङले जनाएको छ ।
हिन्दुहरुको महान् पर्व विजयादशमी तथा दीपावली पर्वलाई मध्यनजर गर्दै सहायता कक्षा स्थापना गर्न सुरु गरिएको हो । जिल्ला ट्राफिक प्रहरी कार्यालय दाङले सोमवार घोराहीको बसपार्कमा सहायता कक्षा स्थापना गरेको छ । चाडपर्वको समयमा यात्रुहरुको चाप बाक्लो हुने र सो समयमा यात्रुहरुले विभिन्न समस्या भोग्न सक्ने भएकाले समस्या समाधानकालागि नागरिक सहायता कक्षा स्थापना गएिको हो । जिल्ला ट्राफिक प्रहरी कार्यालय दाङका प्रमुख प्रहरी निरिक्षक मदनबहादुर कुँवरले सहायता कक्ष जिल्लाका हरेक बसपार्क तथा ट्राफिक पोष्टहरुमा राखीने बताएका छन् । उनले सोमबार मात्रै जिल्लाका तीन स्थानमा सहायता कक्ष स्थापना गरिएको जानकारी दिए । ट्राफिक प्रहरी प्रमुख कुवरका अनुसार घोराहीको बसपार्क र ट्राफिक चोकमा सहायता केन्द्र स्थापना गरिएको छ भने यस्तै सोमवार नै लमहीमा पनि नागरिक सहायता कक्ष स्थापना गरिएको छ ।
सहायता कक्षको अभावमा यात्रा गर्दा विभिन्न असुविधा हुने, लुटपाट, दोहोरो टिकट, सामान हराउने एवं अभद्र व्यवहार हुन सक्ने भएकाले समस्या हुनै नदिनका लागि सहायता कक्षको आवश्यकता भएको जिल्ला ट्राफिक प्रहरी प्रमुख कुँवरले जानकारी दिए । “चाडपर्वको समयमा सवारी साधनहरुमा यात्रुहरु खचाखच हुने भएकोले सहजताका लागि नागरिक सहायता कक्ष स्थापना गरिएको हो” कुँवरले भने । टाढा गएकाहरु पनि महान चाड भनेर घर फर्कने समयमा अप्रिय घटनाहरु भैरहेको हामीले देखेका र सुनेका छौ, त्यसैले प्रहरी मेरो साथीको अवधारणालाई सफल पार्न ट्राफिक प्रहरी सदैव तयार रहेको कुँवरको भनाई छ । दाङ जिल्लामा रहेका ट्राफिक प्रहरी पोष्टहरुमा नागरिक सहायता कक्ष सञ्चालन हुन उनको भनाई छ । जिल्लामा रहेका आठवटा ट्राफिक पोष्टमा नागरीक सहायता कक्ष सञ्चालन हुने छ त्यसैले समस्यामा परेका यात्रुहरुले पाएक पर्ने स्थानमा सम्पर्क गर्न सक्नुहुने छ कुँवरले भने । पुर्व पश्चिम राजमार्ग अन्र्तगत भालुवाङ, लमही बसपार्क तथा अमिलियामा नागरीक सहायता कक्ष हुनेछ । त्यसैगरी घोराहीको ट्राफिक चौक, बसपार्क, नारायणपुर तथा तुलसीपुरमा पनि नागरीक सहायता कक्ष सञ्चालन हुने उनको भनाई छ ।
यात्रा गर्दा समस्यामा परेका यात्रुहरुको समस्या समाधानका लागि जिल्ला ट्राफिक प्रहरी कार्यालय दाङले विभिन्न नम्बरहरु समेत दिएको छ । à