खोज

 बैङ्कबाट रकम झिकेर फर्कदै गरेका एक बृद्धलाई अपहरण गर्न खोजेका दुई व्यक्तिलाई कपिलवस्तु प्रहरीले नियन्त्रणमा लिएको छ ।
जिल्लाको बाणगंगा नगरपालिका वडा नम्बर ९ भलवाडका ७१ बर्षीय कृष्ण बहादुर थापा राष्ट्रिय बाणिज्य बैङ्क तौलिहवा शाखाबाट रकम झिकेर फर्कदै गर्दा अपहरणकारीको कब्जामा परेका थिए ।
अपहरणमा संलग्न शिवराज नगरपालिका ४ चनईका अमिन फकिर र उनका सहयोगी सोही स्थानका अब्दुल मुस्ताक मियालाई प्रहरीले नियन्त्रणमा लिएको हो ।
छोरा अमर प्रहरी भएकाले पेन्सनको सुबिधा पाउदै आएका थापाले बैङ्कबाट २७ हजार रूपैयाँ झिकेर बाहिर निस्किएपछि अपहरणमा संलग्न दुबैले गन्तब्य बारे सोधेका थिए । आफू भलवाड फर्किने बताएपछि बृद्ध व्यक्ति भएकाले जितपुर सम्म पु¥याईदिने भन्दै थापालाई अमिन फकिरले फकाएका थिए । थापाले मोटरसाईकलमा जितपुर नजाने भने पछि तौलिहवा बसपार्क सम्म पु¥याईदिने भन्दै फकिरले थापालाई आफ्नो लु १२ प ५०५४ नम्बरको मोटरसाईकलमा बसालेका थिए ।
बसपार्क पु¥याउनु पर्नेमा चौकबजार हुदै गौढीचौक पु¥याएपछि थापा अतालिए । मोटरसाईकलमा सवार बृद्ध अतालिएको देखिए पछि गौढीचौकमा डयुटीमा खटिएको प्रहरीले दिएको सुचनाका आधारमा सादा पोशाकका प्रहरीले २ किलोमिटरको दुरी रहेको कपिलवस्तु नगरपालिका ३ महिना सम्म सो मोटरसाईकलको पिछा गरेको थियो । प्रहरीले महितामा मोटरसाईकल रोकि सोधपुछ गर्दा बृद्ध थापालाई फकिरले अपहरण गर्न खोजेको खुल्न आएपछि तत्कालै प्रहरीको टोलीले मोटरसाईकल सहित अपहरणमा संलग्न फकिरलाई नियन्त्रणमा लिएको खुल्न आएको छ । नियन्त्रणमा लिईएका दुबैलाई मुलुकी अपराध संहिता ऐन २०७४ को अपहरण उद्योगको महलको मुद्दा चलाईने जिल्ला प्रहरी कार्यालय कपिलवस्तुका प्रवक्ता प्रहरी निरिक्षक गोबिन्द रावलले जानकारी दिए ।