खोज

सहकारीले सदस्यहरूलाई गुणस्तरिय सेवा प्रदान गर्दै उद्यमशिलता तर्फ आकर्षित गर्न सके प्रभावकारी सहकारी हुने नेपाल बचत तथा ऋण केन्द्रिय सहकारी संघका कोषाध्यक्ष केशव पोखरेलले बताएका छन् ।
उनले सहकारी संस्था समाजले विश्वास गर्न लायक हुनुपर्ने बताउदै प्रविधि र प्रतिस्पर्धायुक्त तरिकाले सहकारी संचालन गर्न सके सहकारीमा दिगोपना ल्याउन सकिने बताए । कोलिय बचत तथा ऋण सहकारीको १२ औ बार्षिक साधरण सभामा बोल्दै उनले उक्त कुरा बताएका हुन् । सहकारी अभियान्ता समेत रहेका पोखरेलले सहकारीको मुख्य उद्धेश्य नाफा भन्दापनि सेवा भाव बलियो हुनुपर्ने बताउदै जहा बढि नाफा हुन्छ त्यहाँ शोषण बढी हुने बताए ।
कार्यक्रममा साकोसका अध्यक्ष भिमप्रसाद गुरुङ्ग, नेफ्स्कुन बुटवल कार्यालयका संचालक प्रकाश अर्याल, गौतम बुद्ध मुटु अस्पतालका अध्यक्ष एजाज आलम, देवदह साकोसका अध्यक्ष ऋषिराम सापकोटा, केरवानी माविका दुर्गादत्त शर्मा, नेपाल रेडक्रस सोसाइटी देवदहका सभापति कृष्णप्रसाद न्यौपाने, साकोसका उपाध्यक्ष खेमानन्द ज्ञवाली, सचिव हरिप्रसाद पाण्डे लगायतले आ–आफ्ना भनाई राखेका थिए ।
सोही अवसरमा उत्कृष्ट उद्यमी, व्यवसायी, विद्यार्थी, जेष्ठ नागरिक कर्मचारीहरूलाई सम्मान गरिएको थियो । यसैगरी स्वास्थ्य क्षेत्रमा राम्रो काम गरेको भन्दै गौतम बुद्ध मुटु अस्पतालका अध्यक्ष एजाज आलमलाई पनि सम्मान गरिएको थियो ।
कार्यक्रममा संस्थाका अध्यक्ष भिमप्रसाद गुरुङ्गले बार्षिक प्रतिवेदन, कोषाध्यक्ष जागेश्वरी पंगेनीले आर्थिक प्रतिवेदन, लेखा संयोजक गणेश डुम्रेले लेखा सुपरिवेक्षण प्रतिवेदन प्रस्तुत गरेका थिए । त्यसैगरी साधरण सभाको अवसरमा कोलिय साकोसले रक्तदान कार्यक्रम पनि सम्पन्न गरेको छ । रक्तदान कार्यक्रममा ३७ युनिट रगत संकलन गरिएको आयोजकले जनाएको छ ।à