खोज

कपिलवस्तु नगरपालिकालाई पुर्ण भर्ना तथा पुर्ण साक्षर नगरपालिका बनाउने तयारी थालिएको छ । पुर्ण भर्ना र साक्षर घोषणा गर्ने उद्धेश्यले नगरपालिकामा आयोजना गरिएको सरोकारवाला बिचको छलफल कार्यक्रममा चालु आवको भाद्र ३१ गते भित्र नगरलाई पुर्ण भर्ना तथा पुर्ण साक्षर नगरपालिका बनाउने अभियान शुरु गरिएको जनाईएको छ ।
अभियान अन्र्तगत तत्काल पुर्ण रुपमा बिधालयमा भर्ना भएको घोषणा गर्नका लागी ५ देखी १२ बर्ष उमेर समुहका बालबालिकाको बिवरण लिन घरधुरी सर्वेक्षणको कार्य अगाडी बढाउने योजना रहेको शिक्षा समितीका संयोजक तथा कपिलवस्तु नगरपालिका वडा नम्बर ३ का वडा अध्यक्ष प्रकाश गैरेले जानकारी दिए । सर्वेक्षणका क्रममा बिधालय जान नसकेका बालबालिकाको तथ्याङ्क संकलन सगै उनीहरुलाई बिधालय पुग्ने बातावरण निर्माणमा समेत सहयोग पुर्याउने बातावरण निर्माण गर्नु मुख्य रहेको उनले जनाए ।
नगरपालिकाको सो अभियान अन्र्तगत घरधुरी सर्वेक्षणको कार्यमा स्टार सामाजिक बिकास केन्द्र, सनसाईन सामाजिक बिकास केन्द्र, प्रगती मातृ समिती, कालिका, सिद्धार्थ, किडस, गरिबी निवारण र डिआरएससिसी लगायतका संस्थाले स्वतहफुर्त सहयोग गर्ने प्रतिबद्धता व्यक्त गरेको कपिलवस्तु नगरपालिकाका शिक्षा अधिकृत रामप्रसाद कोईरालाले जानकारी दिए । सो सगै साक्षरता कार्यक्रमबाट साक्षर भएका नव साक्षरलाई प्रमाणपत्र सहित सम्मान गर्ने र सहयोगी संघ संस्था, सहयोगी कार्यकर्ता तथा सरोकारवालालाई समेत सम्मान गर्ने निर्णय गरिएको कोईरालाले बताए । कपिलवस्तु नगरपालिकाले चालु आर्थिक बर्षमा बालमैत्री स्थानिय शासनको नितीलाई कार्यान्वयन गर्ने अभियान अगाडी बढाएको स्पष्ट पार्दै नगरपालिकालाई पुर्ण भर्ना तथा पुर्ण साक्षर नगरपालिका बनाउने तयारी अघि बढेको नगर प्रमुख किरण सिंहले जानकारी दिए ।