खोज

२७ औ अन्तर्राष्ट्रिय अपाङ्गता दिवशको अवसरमा रूपन्देहीको देवदहमा सम्मान तथा न्यानो कपडा वितरण गरी अपाङ्गता दिवश मनाइएको छ ।
अपाङ्ग समाज सेवा केन्द्र देवदहको आयोजना र देवदह नगरपालिका तथा नयाँ जीवनका लागि हातेमालो संस्था बुटवलको आर्थिक सहयोगमा उक्त कार्यक्रम सम्पन्न भएको हो । अपाङ्गता भएका व्याक्तिहरूको सशक्तिकरण तथा समावेशिता र समानताको शुनिश्चता “मलाई गणना गर समावेश गर” भन्ने नारा तय गरिएको कायक्रममा अपाङ्गहरूका अभिभावकहरूलाई सम्मान तथा अपाङ्गहरूलाई न्यानो कपडा वितरण गरिएको थियो । साथै अपाङ्ग जोडि सम्मान तथा व्यवसायिक काम गर्नेहरूलाई पनि सम्मान गरिएको थियो । सोही अवसरमा प्रदेश नं ५ का प्रदेश सभा सदस्य डा. कृष्णप्रसाद न्यौपानेले अपाङ्गमैत्री व्यवहार गर्नु नै अपाङ्गहरूका लागि सबैभन्दा ठूलो सम्मान हुने बताए ।
उनले अब बन्ने कानुनमा अपाङ्गमैत्री कानुन निर्माण सके बास्तविक रूपमा अपाङ्गहरूलाई न्याय दिन सकेको ठहर हुने बताए । सोही अवसरमा देवदह नगरप्रमुख हिराबहादुर खत्रीले अपाङ्गहरूको निम्ति देवदह नगरपालिकाले सहयोग गरिरहेको र पछिका दिनमा सहयोग गर्ने प्रतिबद्धता व्यक्त गरे ।
उनले अपाङ्गहरूको लागि शिक्षा र रोजगार उपलब्ध गराउन सके देश विकासमा अहम् भूमिका खेल्ने बताए । कार्यक्रममा केन्द्रका कोषाध्यक्ष गिता पाण्डे, नगर प्रवक्ता झिल्लुप्रसाद न्यौपाने, नेकपाका प्रतिनिधि प्रकाश अर्याल, नेपाली कांगे्रसका गुनाखर भुर्तेल, रमेश पोखरेल लगायतले आ–आफना भनाई राखेका थिए ।