खोज

रोटरी क्लब अफ बुटवलको २६ औं चाटर्स नाईट कार्यक्रम (स्थापना दिवश) सनिवार सा“झ भब्य समारोहका बिच मनाईएको छ ।
कार्यक्रमको उद्घाटन रोटरी डिष्ट्रिक ३२९२ नेपाल भूटानका गभर्नर चिन्तामणि भट्टराईले उद्घाटन गरे । सो अवसरमा उनले सामाजिक सेवाभावबाट उत्प्रेरित भएका रोटरीयनहरूले समाज परिवर्तनको सपना देखेको बताए । सामाजिक रूपान्तरणको अभियानमा सबैसँग सहकार्य गर्न चाहेको उनको भनाई थियो । कार्यक्रममा बुटवल उपमहानगरपालिकाका मेयर शिवराज सुवेदीले समाजसेवामा रोटरी क्लबहरूले प्रसंशनिय कार्य गरेको बताउँदै सामाजिक विकासको लागि रोटरीको अभियानले सार्थकता पाउनुनै समाजसेवा हुने बताए ।
कार्यक्रममा जोन १९ का एजी कृष्ण प्रसाद अर्याल, पूर्व अध्यक्षहरू हुतानन्द खनाल, अजयमान श्रेष्ठ, रोटरी क्लब अफ बुटवलका अध्यक्ष नारायण प्रसाद पन्थ, कार्यक्रम संयोजक सुनिल श्रेष्ठ, आईपिपि राजेन्द्र लम्साल, सचिव दया भण्डारी, रोट्याक्ट क्लब अफ बुटवलका अध्यक्ष निरज पाण्डे, इन्टयाक्ट कल्वका अध्यक्ष युनिशा भण्डारी लगायतले बोलेका थिए ।
सो अवसरमा रोटरी सामुदायिक सेवा केन्द्र अन्तर्गतका सामुदायिक विद्यालयका ७८ जना विद्यार्थीहरूलाई छात्रवृत्ति वितरण गरिएको थियो भने पत्रकारिता पुरस्कार पत्रकार डायलसन अधिकारीलाई प्रदान गरिएको थियो । यसअघि स्थापनाको दिवशका अवसरमा क्लबले विभिन्न कार्यक्रम गरेको थियो ।