खोज

 दुई तिहाई बहुमत प्राप्त कम्युनिष्ट नेतृत्व सरकारको सम्पूर्ण गतिबिधिलाई पारदर्शी बनाउन प्रमुख प्रतिपक्षी दल नेपाली काँग्रेसको कर्तब्य भएको सांसद भरत कुमार शाहले बताएका छन् ।
सो कुरा उनले बुद्धजन्मस्थल लुम्बिनीमा नेपाली कांग्रेसको भातृ संगठन नेपाल शिक्षक संघद्वारा आयोजित दशै तिहार र छठपर्बको शुभकामना आदान–प्रदान समारोहलाई सम्बोद्धन गर्दै बताएका हुन् । सांसद शाहले बाम नेतृत्व सरकारको सम्पूर्ण गतिबिधि नजीक बाट नियालेर नेपाली काँग्रेसले जनता माझबाट खबरदारी गर्नुपर्ने बेला आएको हुँदा देशैभरिका कार्यकर्तालाई परिचालन गरि प्रमुख प्रतिपक्षीको दायित्व निर्बाह गर्न आवश्यक रहेको जानकारी गराए ।
संसदीय सार्बजनिक लेखा समिति संयोजक समेत रहेका सांसद शाहले सरकार एकपछि अर्को काण्डमा फस्दै गएको हुँदा आफूले छानबीन गरि कतिपय मन्त्रीहरूलाई कार्यवाहीको दायरामा ल्याउने खुलासा समेत गरे ।
कार्यक्रममा नेपाली काँग्रेस संसदीय दलका नेता बलदेव शर्मा पोखरेलले बामघटक सरकार आफनै कारणले फेल हुने सुनिश्चित भएको दाबी गर्दै सरकारको पछि नलागेर काँगे्रसलाई एक ढिक्का बनाउन संगठन बिस्तारमा जोड दिनुपर्ने निर्देश जारी गरे । समारोहमा पूर्बराज्यमन्त्री अब्दुल रज्जाक, राष्ट्रियसभा सदस्य दुर्गा प्रसाद उपाध्याय, प्रदेश सदस्यद्वय फकरुद्दीन मुसलमान, अष्टभुजा पाठक नेका लुम्बिनी नगर अध्यक्ष मोहम्मद सईद नेपाल शिक्षक संघका सुर्यनारायण धवल लगायतले शुभकामना मन्तब्य ब्यक्त गरेका थिए ।