खोज

प्रदेश नम्बर ५ का सामाजिक विकास मन्त्री सुदर्शन बरालले शिक्षकलाई दिईने तालीमलाई डिजिटाईलेजसन गर्न आवश्यक रहेको बताएका छन । उनले तालीमलाई गुग सुहाउदो प्रविधिमैत्री बनाउन डिजिटाईलेजसन आवश्यक रहेको बताए ।
शैक्षिक तालिम केन्द्रलाई प्रदेश सरकार मातहत ल्याईएको कार्यक्रमको उलघाटन गर्दै उनले तालीमलाई प्रविधिमैत्री बनाउन जोड दिएका हुन । मायादेवी गाउँपालिका वडा नम्बर ८ रूपन्देहीमा रहेको शैक्षिक तालिम केन्द्र भवनमा शिक्षा तालिम केन्द्र स्थापना गरी सञ्चालनमा ल्याइएको छ । प्रदेश नं. ५ सरकारले शिक्षा तालिम केन्द्र स्थापना गरेको छ ।
कार्यालयको उदघाटन गर्दै सामाजिक विकास मन्त्री सुदर्शन बरालले तालिमलाई विज्ञान र प्रविधी सँग जोडेर डिजीटलाइज्ड तालिम संचालान गर्न आवश्यक रहेको बताए ।
मन्त्री बरालले जनशक्तिलाई शिक्षाको क्षेत्रमा भोगेका चुनौतीहरूलाई ध्यानमा राखी तालिमका स्वरूप परिवर्तन गर्न आवश्यक रहेको बताए । तालिममा विज्ञ तथा पाठ्यक्रम भन्दा पनि सिकाई र अनुभवी बाट शिक्षकहरूलाई तालिम दिन आवश्यक रहेको बताउदै उनले संस्थागत विद्यालयले गुणस्तरमा ध्यान दिए पनि शुल्कमा मनलागि गरेकाले सरकारको नीतिसँग मेल नखाएको बताए । एकरूपता ल्याउन पहल गरेर ग्रामिण क्षेत्रका सामुदायिक विद्यालयको शैक्षिक गुणस्तर सुधार्न गर्न मोबाइल एपको विकास गरी केही हद सम्म सुधार ल्याउन सकिने विश्वास व्यक्त गरे ।
सरकारी शिक्षकहरूले पाउने पारिश्रमिक शुल्कलाई निजी क्षेत्रसँग दाजेरै क्षमतालाई अधिकत्म प्रयोग गर्न आवश्यक रहेको उनले जोड दिए । संघ, प्रदेश र स्थानीय तह जहाँ काम गरे पनि सरकारकै कर्मचारी भएकाले परिवर्तित संरचनामा नयाँ पन दिएर काम गर्न कर्मचारीसँग अनुरोध गरे । शिक्षाबिना प्रदेश र देशकै विकास नहुने भएकाले सोही अनुसार बजेटमा वृद्धि गरी गुणस्तरीय शिक्षामा जोड दिन आग्रह गरे । त्यसका लागि मन्त्रालय र निर्देशनालय सधै तयार हुने बताए । सामाजिक विकास मन्त्रालयका सचिव पुष्कर राज पन्तले समय परिवर्तनशील भइसकेको बताउदै परिवर्तनशील समयको माग अनुसार साधन र स्रोत सगै पाठयक्रमलाई पनि परिवर्तन गर्दे लैजानु अवश्यकता भएको बताए । समयको माग अनुसार विगतको भन्दा फरक नया तरिकाले जनशक्ति उत्पादन गरी समानरूपमा शिक्षा बढाउनु पर्ने आवश्यकता रहेको बताए । २०५० सालमा प्राथमिक शिक्षा तालीम केन्द्रको रूपमा स्थापन भएको केन्द्र २०६१ सालदेखी शैक्षिक तालीम केन्द्रको रूपमा स्थापित भएको हो । देशमा रहेका २९ वटा शैक्षिक तालीम केन्द्रहरूलाई ७ वटा प्रदेश मातहत ल्याईएको हो । प्रदेश नम्बर ५ मा रहेका पाल्पा, दाङ्ग र नेपालगञ्जको शैक्षिक तालीम केन्द्रलाई हटाएर भैरहवामा रहेको तालीम केन्द्रलाई प्रादेशिक तालीम केन्द्र बनाइएको शैक्षिक तालीम केन्द्र रूपन्देहीका प्रमुख दिनानाथ पन्थीले बताए ।