खोज

रोल्पाका सामुदायिक र संस्थागत विद्यालयमा विद्यार्थी पोशाक थप गर्ने होडबाजी नै चलेको छ । पोशाकवाट विद्यालय प्रति विद्यार्थीको आकर्षण समेत वढ्ने भएकाले नयाँ नयाँ डिजाईनका पोशाक थपिने क्रमले निरन्तरता पाईरहेका छन ।
जिल्लाका अधिकांश सामुदायिक विद्यालयले आकाशे सट र निलो पायन्टलाई विद्यालयको आधिकारिक पोशाक निर्धारण गरे पनि पछिल्ला दिनमा भने नयाँ पोशाक समेत थपिँदै आएको छ । संस्थागत विद्यालयले भने यसअघि नै २ थरिको पोशाकको अभ्यास गर्दै आएका थिए ।
जिल्ला सदरमुकाममा रहेको बालकल्याण नमूना माविले नयाँ पोशाक थप गरेसँगै छिमेकी विद्यालयका साथै जिल्लाका अन्य विद्यालयले समेत सिको गरेको वताइएको छ । विद्यार्थीको माग र अभिभावकको सल्लाह अनुसार विद्यालय पोशाक थप गरिएको वालकल्याण नमूना माविका प्राचार्य मधुसुदन पोख्रेलले वताए । अभिभावकको भेलावाट पोशाक थप गर्ने निर्णय गर्नुका साथै विद्यार्थीलाई सस्तो मूल्यमा गुणस्तरीय पोशाक उपलव्ध गराउन विक्रेताहरूका वीच प्रतिस्पर्धा गर्न सहजीकरण गरेको पोख्रेलले जानकारी दिए । विद्यार्थीहरूले न्यूनतम शुल्कमा पोशाक खरिद गरिरहेका छन प्राचार्य पोख्रेलले भने । हप्ताको २ दिन बिहीवार र शुक्रबार विद्यार्थीले अतिरिक्त पोशाक लगाउदै आएका छन अन्य वार भने पूर्व निर्धारित पोशाक लगाउछन प्राचार्य पोख्रेलले भने ।
जिल्लाका अन्य विद्यालय समेत नयाँ पोशाक थप गरेका छन् । थवाङ गाउँपालिकाको मावि मिरुल, सुनिल स्मृती गाउँपालिकाको मावि तेवाङ, सदरमुकामको होलिभिजन आवासिय मावि लगायतका विद्यालयले नयाँ पोशाक थप गरेको वताइएको छ । जिल्लामा नयाँ पोशाक वारे फोनवाट परामर्श गर्ने विद्यालयको संख्या ठूलो छ विद्यालय पोशाक र खेल सामाग्री विक्रेता हरिश वलीले भने । नयाँ पोशाक थप गर्ने जिल्लाका अधिकांश विद्यालयले काठमाडौंका विद्यालय पोशाक डिजाईनर र थोक विक्रेता संग सिधै सम्पर्क गरेर पोशाक खरिद भईरहेको वलीको भनाई छ ।
बिद्यालय पोशाक थपसँगै हप्ताभरि एउटै पोशाक लगाउनुपर्ने वाध्यताबाट आफूहरू मुक्त भएको विद्यार्थीहरूले प्रतिकृया दिएका छन् । दुई थरिको पोशाकले सरसफाई गर्न पनि सहज भएको छ वालकल्याण नमूना माविका विद्यार्थी सन्तोष विष्टले भने । गरिव विपन्न परिवारमा थप पोशाक खरिदमा केही व्ययभार भएको छ ।
à