खोज

सैनामैना । पछिल्लो समय सैनामैना सालझण्डीका युवाहरु होटल ब्यवसाय क्षेत्रमा लगानी गर्न आर्कषित भएका छन । विशेष गरी बैदेशी रोजगारीमा गएर आएका युवाहरु पर्यटन क्षेत्रसँग जोडिएको होटल ब्यवसायमा लगानी गर्न आर्कषित हुँदै गएका हुन ।
लुम्बिनीसँग नजिकै रहेको र ढोरपाटन सडकखण्डसँग जोडिएको सालझण्डीमा पछिल्लो समय होटल ब्यवसायमा लगानीकर्ताहरुको चासो बढ्दै गएको हो ।
यसै क्रममा शनिबार सैनामैना वडा नं. ११ मा होटल डिभाइनको शुभारम्भ भएको छ । बैदेशिक रोजगारीमा गएर नेपालमा नै केही गर्नुपर्छ भन्ने सोच गराएका दुई युवाको पहलमा उक्त होटल सञ्चालनमा आएको हो । सैनामैना ११ का गोबिन्द पाण्डे र शुरेस भट्टराईको ४० लाख लगानीमा होटल डिभाईन सञ्चालनमा आएको गोबिन्द पाण्डेयले बताए ।
बैदेशीक रोजगारीको शिलशिलामा मलेशिया पुगेका पाण्डेले ८ वर्षसम्म बिदेशमै काम गरे । दुःख सुःख गरेर ८ बर्ष बिदेशमा काटियो तर अहिले नेपालमा नै केही गर्ने शोचले सालझण्डीमा होटल क्षेत्रको सम्भावना देखेर यो ब्यबसायमा लगानी गरेको पाण्डेले बताए ।
पछिल्लो समय सैनामैना नगरपालिकामा होटल ब्यवासायमा लगानीकर्ताको संख्या बढ्दै गएको संघका बरिष्ठ उपाध्यक्ष नेत्र घिमिरेले बताए । सैनामैना होटल तथा रेष्टुरेन्ट ब्यवसायी संघमा ३५० होटल दर्तामा आएको घिमिरेको भनाई रहेको छ । लुम्बिनीसँग नजिकै रहेको सैनामैना र ढोरपाटन सडक सञ्चालनमा आउने तयारीमा रहेपछि यहाँ पर्यटकको संख्या बढहुँदा होटलमा लगानीकर्ताको संख्या पनि बढ्दै गएको सरोकारवालाहरुको भनाई रहेको छ ।