खोज

बुटवल, २९ कार्तिक । बुटवलकै नमुना पर्यटकिय स्थल मणिमुकुन्द सेन उद्यान संरक्षण समितिको १६ औ साधारण सभा सम्पन्न भएको छ । लुम्बिनी प्रदेशका पुर्व मन्त्री तथा प्रदेश सभा सदस्य भोज प्रसाद श्रेष्ठले समितिको साधारण सभाको उद्घाटन गर्दै बुटवल उपमहानगरपालिकाको समग्र विकासमा फुलबारीको गरिमा र योगदानबारे चर्चा गरे । फुलबारी अहिलेको अवस्थामा आईपुग्न धेरैको रगतपसिना बगेको समेत उनले बताए । राजधानी बुटवलबाट जादा ठुलो क्षति पुगेको भन्दै अब आर्थिक र सास्कृतिक केन्द्रका रुपमा विकास अघि बढाउन सकिने उनले दाबी गरे । उनले राजनितिक दलहरु अरुलाई गालि गर्नेभन्दा पनि गल्तिलाई स्विकार गर्ने र नैतिकता देखाउने सहि समय आएको बताए । प्रदेशको सामुदायिक वन ब्यवस्थापनमा रहेर वन सम्बद्र्धनमा आधारित वन कार्यक्रममा लगेर अघि बढाउन सके उद्यानमा रहेको कठिनाईलाई चिर्न सकिने उनले सुझाव दिए । आधारहिन कुरालाई जोड दिन नहुने उनले तर्कदिदै सदस्यहरुको क्षमता विकासमा भने चासो राख्न नेतृत्वलाई आग्रह गरे । विधान अनुसार अहिलेको ६०१ सदस्यीय समिति काम गर्नका लागि पर्याप्त रहेको भन्दै अब सदस्यहरुलाई क्रियाशिल बनाई योजनाबद्ध रुपमा काम थाल्नुपर्ने उनले बताए ।

कार्यक्रममा उद्यानका अध्यक्ष माधव नेपालले वार्षिक प्रगति विवरण प्रस्तुत गर्दै पर्याप्त आर्थिक श्रोत नहुनु, उद्यान सम्बन्धि स्पष्ट नीति नियमको अभाव, बगैँचा, बोटबिरुवा तथा जनावरहरु तथा सरसफाईका लागि पानीको अभाव, सुरक्षा ब्यवस्था, टिक प्रजातीका रुखहरु सामान्य हावाहुरी÷पानी आउदा ढल्ने र दुर्घटना हुनसक्ने जोखिम रहेको उनले बताए । ऐतिहासिक तथा पुरातात्विक महत्व, धार्मिक तथा सास्कृतिक महत्व, प्राकृतिक विविधता रहेको यहाँ प्राणी उद्यानका रुपमा मिनि चिडियाखाना, खेल मनोरञ्जन स्थल र सेल्फि पोईन्टहरु, विभुति, सहिद स्मारक, बाटिका तथाढुङ्गे बगैँचा, पिकनिक, विवाह कार्यक्रम स्थल, कुडुलेघर तथा सन्चोबिसन्चो केन्द्र लगायतका पुर्वाधार रहेका छन ।
कार्यक्रममा प्रदेश सभासदस्य तथा नेपाली काग्रेस पार्टीका प्रमुख सचेतक जमुना ढकालले बुटवल बजारलाई चलायमान बनाउने जिम्मा सबैको भएको बताईन । पर्यटनको ढोका खोल्दै बजार चलायमान गराउनुको बिकल्न नरहेको उनले तर्क गरिन ।

कार्यक्रममा बुटवल उपमहानगरपालिकाका पुर्व नगरप्रमुख शिवराज सुवेदीले पर्यटनसंग ऐतिहासिक, सास्कृतिकसंगै बुटवलमा सामरिक र मानविय सम्भाब्यता समेत जोडिएको दाबी गरे । यहि विशेषताहरुकै कारण फरक रुपमा सम्भावना रहेको भन्दै आफनो कार्यकालमा विज्ञ समुहको आर्टिटेक ईन्जिनियरबाट तयार गरिएको विकासको योजनालाई निरन्तरन्ता दिनसकेमात्र बुटवलको विकासमा इटा थपिने बताए ।

कार्यक्रममा वडा नं १ का वडाअध्यक्ष नरेन्द्र बस्नेत, राष्ट्रिय उद्यान महासंघका केन्द्रीय अध्यक्ष खेमप्रसाद लुईटेल, नेकपा एमालेका जिल्ला अध्यक्ष यज्ञ गैरे, हिलपार्क ब्यवस्थापन समितिका अध्यक्ष टंक पराजुली, उद्यान समितिका उपाध्यक्ष रमेश नेपाल, बुटवल सामुदायिक वन उपभोक्ता समूह १–२ का अध्यक्ष बाबुराम पौडेल, नेका कार्यबाहक नगर सभापति ज्योति भण्डारी, राष्ट्रिय जनमोर्चाका जिल्ला अध्यक्ष टान बहादुर केसीले बिसं २०७२/२०७३ मा मास्टर प्लान बनाएअनुसार पूर्वाधार विकासमा जोड दिन आग्रह गरे ।

यसैबिच साधारणसभामा उत्कृष्ट कार्य सम्पन्न गरेवापत समितिका प्रशासन अधिकृत अमित श्रेष्ठ, माली प्रमुख बाबुराम भुषाल, ज्ञानी बिक, बिनिता चौधरीलाई नगदसहित सम्मान गरिएको छ ।