खोज

बुटवल, १३ मंसिर । बुटवलको ठमेलको उपमा पाएको कालिका पथमा सिजल एण्ड स्पाईस रेष्टुरेन्ट नया ब्यवस्थापनमा संचालनमा आएको छ । नेपालको प्रतिष्ठित चेन ब्राण्ड केकेएफसीको कालिकानगर शाखाको माथिल्लो तल्लामा सिजल एण्ड स्पाईस संचालनमा आएको हो ।

बुधबार एक समारोहका बिच होटल तथा रेष्टुरेन्ट ब्यवसायी संघ रुपन्देहीका अध्यक्ष लेखनाथ भण्डारीले सेवा शुभारम्भ गर्दै पर्यटन ब्यवसायलाई उकास्ने गरि तीन तहकै सरकारबाट नीतिगत पहल जरुरी रहेको बताए । रुपन्देही पर्यटनको सम्भावना बोकेको शहर भएको हुदा नीजि क्षेत्रमा धेरै ठुलो लगानी भएको भन्दै यसलाई चलायमान गराउने गरि सरकारको ध्यान जानुपर्ने उनले बताए । पर्यटनमा टेवा पुग्ने गरि रात्रीकालिन बजारको अवधारणालाई सरकार, सुरक्षा निकाय र समुदायबाट अघि बढाउन जरुरी रहेको उनले बताए ।

रेष्टुरेष्ट संचालक विष्णु प्रसाद शर्माले पलायनको सिकार भैरहेको पर्यटनलाई थेग्न युवाहरुलाई यसमा आत्मनिर्भर गराउने गरि सानो पहल थालेको बताए । करीब २ हजार स्क्वायर फिट क्षेत्रफलमा रहेको भवनको माथिल्लो तलामा रेष्टुरेन्टमा आकर्षण बार पनि छ । जहा पारिवारीक वातावरणमा रहेको छ । मिटिङ हल समेत रहेको छ । चाईनिज, ईण्डियन, कन्टिनेन्टल खाजा र तन्दुरीका परिकारहरु रेष्टुरेन्टमा उपलब्ध रहेको छ । आगामी दिनमा खानाको परिकार समेत अघि बढाउने लक्ष्य रहेको छ । जहा पाच जना कर्मचारी छन ।

कार्यक्रममा संघका वरिष्ठ उपाध्यक्ष माधव खनालले युवा पुस्ता पलायन रोक्ने गरि पर्यटनलाई अगाडी बढाउन जरुरी रहेको बताए । संघमार्फत युवा उद्यम तालिम र अभिमुखिकरण कार्यक्रम गर्दै रोजगार दिने सफल भएको भन्दै यसमा सरकारबाट सहयोग जरुरी रहेको बताए ।

कार्यक्रममा संघका महासचिव अर्जुन थापा क्षेत्रीले देशको आर्थिक समृद्धिको एकमात्र ढोका पर्यटन भएको भन्दै यसलाई स्वीकारेर योजना र कार्यक्रम अघि बढाउन जरुरी रहेको बताए ।