खोज

ईन्ट्र¥याक्ट क्लव अफ दीप बोर्डिङ हाई स्कूलका विद्यार्थीहरूले तिलोत्तमा १५ स्थित नेपाल अविनाश अनाथ आश्रममा आश्रित बालबालिकालाई शैक्षिक सामाग्री वितरण गरेका छन् । विश्व बालअधिकार दिवशको अवसरमा आश्रममा रहेका १५ जना बालबालिकाहरूलाई शैक्षिक सामाग्री वितरण गरिएको क्लवका संयोजक दिनेश खड्काले जानकारी दिए ।
ईन्ट्रयाक्ट क्लबकी अध्यक्ष युनिसा भण्डारीका अनुसार कार्यक्रममा दीप बोर्डिङ हाई स्कूलका सह प्राचार्य सुरेन्द्र कुमार शाक्यले विद्यार्थीहरूले आफ्नो खाजा खर्चलाई बचाएर आश्रममा रहेका बालबालिकालाई सहयोग गर्नु स्रहानिय कार्य भएको बताएका थिए । रोटरी क्लबअफ बुटवलका सचिव दया भण्डारीले सबैको सामूहिक सहयोगबाट अभिभावक विहिन बालबालिकाहरूको जीवनस्तर माथि उठाउन सकिने बताए ।
आश्रमका सञ्चालक कृष्ण ज्ञवालीले आश्रित बालबालिकाहरूको शैक्षिक अवस्था माथि उकास्न र जीवनप्रति सकारात्मक सोंच विकासका लागि सबैको सहयोग रहेको भन्दै सहयोगका कार्यक्रम ल्याउन आग्रह गरे ।
कार्यक्रममा रोटरी क्लव अफ बुटवल अन्तर्गत रहेका ईन्ट्रयाक्ट क्लवहरूका संयोजक शिव प्रसाद ज्ञवाली, ईन्ट्र¥याक्टका पदाधिकारी लगायतको सहभागिता रहेको थियो ।