खोज

रुपन्देहीमा रहेका विभिन्न नेवा समुदायले नेपाल सम्वत ११३९ सामुहिक रुपमा मनाएका छन । नेवा पुच, नेवा सेवा विकास परिषदको आयोजनामा नेवा सेवा समिति, भिमसेन नेवा समाज तथा नेवा मयजु खल, नेवा पुच कालिकानगर, दीपनगरमा आवद्ध सदस्यहरुले विभिन्न क्षेत्रबाट टाफिक चोकस्थित संखधर साख्वा पार्कमा जम्मा भएर सामुहिक पुजा गरि मनाएका हुन ।

झाकी, लाखे र नेवारी बाजासहित सामुहिक रुपमा नगरपरिक्रममा गरि ¥याली सकेर पार्कमा शुभकामना आदानप्रदान कार्यक्रम गरि मनाएका हुन । सामुहिक रुपमा मनाउदा आपसी भाईचारा र मितब्यायी हुने भएकाले पनि यस क्षेत्रमा छरिएर रहेका सबै नेवार समुदायहरु एक स्थानमा जम्मा भएर मनाउने परम्पराको विकास गर्दै आएको आयोजक नेवा पुचका अध्यक्ष ज्ञानु लिगलको दाबी छ ।

सामाजिक सेवा भावना र संस्कृति संरक्षणको अभियान थालेको परिषदबाट वर्षभरि नै पर्वमा आफनो गतिविधीहरु संचालन गर्दै आएको उनले बताईन । कार्यक्रममा बोल्दै नेवापुचका संस्थापक सदस्य तथा समाजसेवी महेश्वर प्रसाद श्रेष्ठ, अर्घाखाची नेवा समाजका अध्यक्ष बाबुराम श्रेष्ठ, तिलोत्तमा मैजु खलका अध्यक्ष मिलन श्रेष्ठ, भिमसेन गुठीका कार्यवाहक अध्यक्ष सहदेव श्रेष्ठ, नेवा सेवा समितिका अध्यक्ष चिरन्जीवि श्रेष्ठ, कार्यक्रम संयोजक चिरन्जवी श्रेष्ठ, बिमल बहादुर शाक्य, खेलराज पाण्डे, नेबापुच का उपाध्यक्ष काजीमान श्रेष्ठ, पुर्व संसाद बिनोद पहाडीले समाजका विकृति विसंगति परिवर्तनमा संखध्वर शाख्वाको योगदानको महत्वबारे प्रकाश पार्दै यसलाई सबैबाट अनुसरण गर्न जरुरी रहेको बताए ।

नेपालमा लिच्छवि राजा राघवदेवका पालामा सम्पुर्ण नेपालीलाई ऋणमुक्त गराईएको दिनका रुपमा संखधर साख्वाले नेपाल सम्वत संचालन गरेका थिए । जुन दिनलाई नेवार समुदायले नया वर्षको रुपमा समेत मनाउने गर्दछन । भने यही दिनमा उनिहरु आफनो शरीरलाई विशेष पुजा (म्हः पूजा) समेत गर्ने गर्दछन ।

तस्वीरहरुः स्वस्तिक श्रेष्ठ/न्युज बुटवल टुडे डट कम