खोज

बुटवल, ३० चैत । क्रिकेट खेलको क्रेजलाई मध्येनजर गरि बुटवलमा पहिलोपल्ट बुटवल क्रिकेट एकेडेमीले ग्रासरुट खेलाडीहरुको बिचमा लिग खेलाउन लागेको छ । युवा खेलाडीहरुलाई खेल अनुसासनसंगै प्लेटफर्म दिने गरि रुपन्देहीमा पहिलोपल्ट यु–१३ बिसिए प्रिमियर लिग प्रतियोगिता गर्न लागेको एकेडेमीका अध्यक्ष प्रथम पराजुलीले बताए । ‘युवा खेलाडी उत्पादनको आधार नै ग्रासरुट क्रिकेट हो ।’–उनले भने । रुपन्देही क्रिकेटको लागि उर्वरभुमी भएको उनले दाबी गरे । संस्थागत रुपमा यहा हुने खेल गतिविधि, खेल शिविरमात्र नभई नीजि क्षेत्रबाट समेत खेल पूर्वाधारमा भएको लगानी कै कारण खेल पर्यटन विकासको आधार तयार भैरहेको उनले दाबी गरे ।

एक समारोहका बिच रुपन्देही क्रिकेट संघका अध्यक्ष हरि बहादुर थापाले शनिबार प्रतियोगिताको ट्रफी अनावरण, प्लेयरको जर्सी सार्वजनिक तथा खेलाडी अक्सन कार्यक्रमको शुभारम्भ गर्दै युवा खेलाडीहरुलाई अवसर दिने गरि नया ढंगबाट क्रिकेट आयोजना हुन लागेको बताए । बालबालिकाहरुलाई खेल अनुसासन र ज्ञानमात्र नभई उनिहरुलाई ब्यवसायिक खेलाडीका रुपमा थोरै भएपनि पारिश्रमिक उपलब्ध हुने वातावरण प्रतियोगिताबाट भएको उनले बताए ।
तिलोत्तमा नगरमा आयोजना गरिएको कार्यक्रममा ३५ जना खेलाडीहरुलाई अक्सनमा सहभागी रहेका थिए । ए, बि र सि गरि ३ क्याटगरीमा खेलाडीहरुको मुल्य तोकेर दुई टिमका ओनरहरुले खरिद गरेका थिए ।

टिम बिसिए वरियर्समा १७ जना र टिम बिसिए च्यालेन्जर मा १८ जना अक्सनबाट खेलाडी किन्ने काम भएको संयोजक सुमित श्रेष्ठले बताए । टिम बिसिए वरियर्समा मार्की खेलाडी सुनिल पोख्रेल रहेका छन । जसको टिम क्याप्टेन निकरेश आचार्य, टिम कोच सुधन श्रेष्ठ तथा ओनर उमेश श्रेष्ठ, निकास श्रेष्ठ र नबिन शाक्य रहेका छन ।

यसैगरि टिम बिसिए च्यालेन्जरमा मार्की प्लेयर कुशल थापा, टिम क्याप्टेन अनमोल भण्डारी, टिम कोच अभिषेक ठाकुर र ओनरहरु किरण थापा, आरिफ शेख, बाबुराम भण्डारी रहेका छन । बैशाख २ गते दुई टिम बिच ज्योतीनगर क्रिकेट मैदानमा लिग आधारमा ३०/३० ओभरको खेल खेलाईने उनले बताए ।

कार्यक्रममा बुटवल क्रिकेट विकास समितिका कार्यबाहक अध्यक्ष रोमित बज्राचार्य, रुपन्देही क्रिकेट संघका उपाध्यक्ष धिरज क्षेत्री, सदस्य विजयसिह ज्ञवालीले यस किसिमको प्रतियोगिताहरुलाई भविष्यमा समेत निरन्तरता दिदै लग्नुपर्ने सुझाव दिए ।