© २०२३
२ बैशाख २०८२, मंगलवार
२ बैशाख २०८२, मंगलवार
बुटवल, ३० चैत ।
बुटवलमा जारी आठौ भुपु सैनिक कप नकआउट फुटबल प्रतियोगितामा आयोजक भुपु सैनिक जबई स्पोर्टिङ्ग क्लबले फाईनलमा स्थान पक्का गरेको छ । शनिबार भएको दोस्रो सेमीफाईनलमा सौभाग्य युथ क्लबलाई १–० गोल अन्तरले पराजित गर्दै फाईनलमा सिम्रिक युथ क्लबसंग भेट पक्का गरेको हो ।
भुपु सैनिक सालघारी समाजको संरक्षकत्व र भूपु सैनिक जबई स्पोर्टिङ्ग क्लबको आयोजनामा भुपु सैनिक खेलमैदानमा भएको खेलमा आयोजक टिमको जितमा दोस्रो हाफमा एकमात्र गोल शिव सुवेदीले गरे । निक्कै प्रतिस्प्रर्धात्मक खेलको पहिलो हाफ गोलरहित बराबरी भएको थियो । खेलमा गोलकर्ता शिव प्लेयर अफ दी म्याचबाट पुरस्कृत भए । आयोजक भुुपु सैनिक र सिम्रिक युथ क्लबका बिचमा सोमबार फाईनल खेल हुनेछ ।
प्रतियोगिताको विजेता टिमले नगद २ लाख २२ हजार २२२ रुपैया, कप, मेडल, प्रमाणपत्र तथा उपविजेता टिमले नगद १ लाख ११ हजार १११ रुपैया, कप, मेडल, प्रमाणपत्रबाट पुरस्कृत गरिने क्लबका अध्यक्ष गोपीराम पुनले बताए । यसैगरि विधागत उत्कृष्ट चारजना र एक जना सर्वोत्कृष्ट खेलाडीलाई नगदसहित कपबाट पुरस्कृत गरिने उनले बताए । नवलपरासीका दुई र रुपन्देही ६ टिमसहित आठ टिमले भाग लिने उनले बताए ।
© २०२३
सर्वाधिकार सुरक्षित
Design & Developed By:
