खोज

बाँके, ३१ चैत ।
बाँकेको जानकी गाउँपालिकामा सञ्चालनमा रहेको राष्ट्रिय कन्या आधारभुत विद्यालयमा कक्षा थपिदै गएपछि स्थानीय खुसी छन् । साधारण विद्यालय भन्दा विशेष विद्यालय संचालनले अभिभावकहरूमा थप उत्साह थपिदै गएको हो ।
हाल ७ कक्षासम्म सञ्चालन हुँदै आएको उक्ता विद्यालयमा शैक्षिक शत्र २०८२ बाट कक्षा ८ को पठनपाठन हुँदै छ । कन्या स्कुलको स्थापना २०४३ सालमा भएपनि स्कुल सञ्चालन २०७९ सालमा गाउँकार्यपालिकाले निर्णय गरेर कक्षा सञ्चालनमा आएको राष्ट्रिय कन्या आधारभूत विद्यालयका प्राध्यानाध्यापक लक्ष्मी शाहीले बताइन ।

उनले भनिन्–‘अहिले यो कन्या आधारभूत विद्यालयलाई गाउँपालिकाले गाउँपालिकाको गौरवको योजनामा बढाएको छ । विद्यार्थी थपिँदै जन्छन र हरेको बर्ष कक्षा बृद्धि गर्दै लैजाने हो । यसरी नै स्कुललाई १२ कक्षासम्म पु¥याउने गाउँपालिकाको उद्देश्य रहेका छ । कन्या स्कुल सञ्चालन भएदेखि अविभावकहरू आफ्नो छोरीहरू सुरक्षित भएको महाशुस गरेको बताईन । कन्या स्कुल सञ्चालन भएदेखि मधेशी र मुस्लिम समुदायमा किशोरीहरू शिक्षामा आकर्षित भएका देखिएका छन् । गत बर्ष १ देखि ७ कक्षा सम्म ३ सय ५७ किशोरीहरू अध्यापन गरिरहेको प्रअ. शाहीले बताइन ।

गाउँपालिकाले हरेक बर्ष किशोरीहरूलाई प्रोत्साहनका लागि नयाँ नयाँ योजना र अविभावकहरूलाई पनि गाउँ गाउँमा सम्झाइ बुझाइ गरिरहेको जानकी गाउँपालिकाका अध्यक्ष छब्बन खाँले बताए । उनले भने कन्या स्कुल सञ्चालन भए देखि मधेशी समुदायका किशोरीहरू र अविभावकहरूले आफ्नो छोरीलाई सुरक्षित र शिक्षामा पहुँच पुग्ने विश्वास गरेका छन् । जानकी गाउँपालिका क्षेत्रभित्र अधिकांश मधेशी समुदायहरूको बसोबास रहेकोले पहिला किशोरीहरूलाई स्कुल नपठाउने मानसिकताको अन्त्य भएको पालिका अध्यक्ष खाँले बताए । गाउँपालिकाले संघ र प्रदेशले लगानी नगरेपनि गाउँपालिकाले आफ्नो पालिकाकाले केही रकम बिनियोजित गरेर स्कुल सञ्चालन गरेको छ ।

गाउँपालिकाले यसलाई गाउँपालिकाको गौरबको योजना बनाएर अगाडी बढाएको छ । पहिला मधेशी समुदायमा भएको बिकृति छोरी बढेपछि विग्रीन्छ त्यो सोंचको अन्त्य भएको कक्षा ७ मा अध्ययनरत छात्र जयन्ती धोवीका बाबु रामअचल धोवीले बताए । उनले भने पहिला आप्mनो छोरीलाई निजी विद्यालयमा पढाउँथे तर कन्या स्कुलमा राम्रो पढाई भएपछि आफ्नो छोरीलाई पनि कन्या स्कुलमा भर्ना गराएर पढाउन थाले । खास गरी मधेशी समुदायमा छोरी नपढाउने मानिसकता थियो अन्त्य भएको देखिन्छ । जानकी गाउँपालिका बढी मधेशी भएको गाउँपालिका हो उनी गाउँ कार्यपालिकाले सदस्य र शिक्षा विकास तथा सामाजिक विकास संयोजक रहेका छन् ।

पहिला सञ्चालन गर्दा ५ कक्षा सम्म सञ्चालन भएको थियो र यो हरेक बर्ष कक्षा थपिँदै गएको उनले बताए ।हालसम्म बाँकेमा जानकी गाउँपालिकाको श्री राष्ट्रिय कन्या आधारभूत विद्यालय र नेपालगंज उपमहानगरपालिकामा कन्या माध्यमिक विद्यालय रहेका छन् । तर ती दुई गाउँपलिका बाहेक बाँकेमा नरैनापुर गाउँपालिका र डुडुवा गाउँपालिकामा पनि मधेशी समुदायको बसोबास रहेको हुँदा कन्या स्कुलको सञ्चालनको आवश्यकता देखिएको छ ।