खोज

नेपाल खाद्य संस्थान अञ्चल कार्यालय तुलसीपुरले झन्डै एक महिनाको अवधीमा साढे ३३ क्वीन्टल खाद्यन्न बिक्री गरेको जनाएको छ । संस्थानले नेपालीहरूको महान चाड दशैं, तिहार र छठ पर्वलाई मध्यनजर गर्दै यस वर्ष दाङमा सहुलियत दरमा खाद्यान्न बिक्री गर्न सुरु गरेको थियो ।
गत असोज १७ गते देखि खाद्यान्न विक्रि सुरु गरेको संस्थानले अहिले सम्म जिरा मसिना चामल २२ क्वीन्टल ५० के.जी र सोना मनसुली १० क्वीन्टल ८० केजी चामल विक्रि गरेको अन्चल कार्यालय प्रमुख माधव मिश्रले जानकारी दिएका छन् । सरकारले खाद्य संस्थान मार्फत अन्य जिल्लामा यस अघि सहुलियतमा चामल बिक्री गर्दै आएपनि दाङमा पहिलो पटक बिक्री गरिएको उनको भनाई छ ।मिश्रका अनुसार दाङमा ५ सय क्वीन्टल चामल सहुलियत दरमा विक्रि गर्नका लागी राखीएको छ । चाडपर्वको समयमा सर्बसाधारणलाई केहि सहुलियत होस भन्ने उद्देश्यले विक्रि गर्न सुरु गरिएको कार्यालयले बताएको छ । तर दाङमा खाद्य संस्थानले अपेक्षा राखे अनुरूपको चामल विक्रि नभएको कार्यालय प्रमुख मिश्रले बताएका छन् ।
कार्यालयका अनुसार जिरा मसिना प्रतिन्वीन्टल ५ हजार ६ सय रूपैयाँ मुल्य भएता पनि प्रतिक्वीन्टल पाँच सय रूपैयाँ छुट गरी ५ हजार १ सय रूपैयाँमा विक्रि भैरहेको छ । यस्तै सोना मन्सुली प्रतिन्वीन्टल ४ हजार ६ सय रूपैयाँ मुल्य निर्धारण गरिएको भएपनि पाँच सय रूपैयाँ छुट गरी ४ हजार १ सय रूपैयाँमा बिक्री गरिएको छ । त्यस्तैगरी जिरा मसीना २५ केजीको प्रतिबोरा १ हजार २ सय ९५ रूपैयाँ र सोना मन्सुली ३० केजीको प्रतिबोरा १ हजार २ सय ५० रूपैयाँमा बिक्री भइरहेको कार्यालयले जानकारी दिएको छ । सोना चामल विरगन्ज र जिरा चामल लहानबाट ल्याइएको हो । सहुलियतको चामल यहि कार्तिक २७ गते सम्म बिक्री गरिने भएको छ ।
त्यस्तै कार्यालयले दशैमा चार सय खसीवोका खरीदगरी विक्रिगरेको जनाएको छ । खाद्यसंस्थानले अञ्चल कार्यालय तुलसीपुरलाई चारसय खसीबोका खरिद गर्न अनुमति दिएको थियो । यसबर्ष खाद्य संस्थान तुलसीपुरले ४६ लाख मुल्य बराबरका चार सय खसी बोका खरिद गरिएको संस्थानका कृष्ण प्रसाद चौधरीले जानकारी दिए । सस्थानले लमही नगरपालिकामा रहेका कर्मठ सामाजिक उद्यमी सहकारी संस्था र दिपन समाजिक उद्यमी सहकारी संस्थाबाट एक सय दश र अन्य किसानहरूबाट ८० वटा खसीबोका खरिद गरेको छ । सहकारीले आफ्ना शेयर सदस्यले उत्पादन गरेका खसी बोकालाई ३ सय ६० मा खरिद गरेर खाद्य संस्थानलाई ३ सय ८५ मा विक्रि गरेको कर्मठ सामाजिक उद्यमी सहकारी संस्थाका ऋण समिति सदस्य बसन्ता बुढामगरले जानकारी दिईन् ।
सहकारीले खरिद विक्रीबाट भएको मुनाफाले किसानका खसीबाख्रालाई पिपिआर, जुकाको औषधि र घाँस उत्पादनमा खर्चिने गरेको बजार प्रमुख महेश अचार्यले जानकारी दिएका छन् । संस्थानले १६ किलो भन्दा माथिकोलाई बोकालाई ३ सय ६०, २० किलो देखि २५ किलो सम्मको खसीलाई ३ सय ७० र २५ किलो देखि माथिकोलाई ३ सय ८५ रूपैयाँ केजीको दरले खरिद गरेको छ ।