खोज

 प्रदेश नं. ५ की भूमि व्यवस्था, कृषि तथा शहकारी मन्त्री आरति पौडेलले मुलुकको समृद्धिका लागि सामूहिक प्रयास अपरिहार्य रहेको बताएकी छिन् । सामूहिक प्रयासबाट मात्रै मुलुक समृद्ध बन्न सक्ने भन्दै उनले समृद्धिका लागि सहकार्य र समन्वय गरेर अगाडि बढ्न स्थानीय तहका पदाधिकारी, राष्ट्र सेवक कर्मचारी र सरोकारवाला निकायका प्रमुखहरूलाई आग्रह गरिन् ।
प्रदेश नं. ५ को भूमि व्यवस्था, कृषि तथा शहकारी मन्त्रालय, पशुपन्छी महाशाखाद्वारा आइतबार बुटवलमा आयोजित स्थानीय तहका पदाधिकारीहरू सँग सहकार्य विषयक अन्तरकृया गोष्ठिमा बोल्दै मन्त्री पौडेलले सहकारीहरूलाई उत्पादन सँग जोडनुपर्ने आवश्यकता औल्याइन् । सहकारीहरू सँगको सहकार्यले कृषि क्षेत्रमा महत्वपूर्ण उपलब्धी हाशील गर्न सकिने बताउँदै उनले शहकारीमा रहेको रकम कृषि उत्पादकत्व बृद्धि र बजारीकरणमा उपयोग गरेर लाभ लिनुपर्नेमा जोड दिइन् ।
कार्यक्रममा भूमि व्यवस्था, कृषि तथा सहकारी मन्त्रालयका सचिव यामनारायण देवकोटाले प्रदेश सरकार सिक्दै र अनुभव गर्दै अगाडि बढ्ने क्रममा रहेको भन्दै प्रदेश भित्र देखिएको मलखादको अभावलाई कम गर्न प्रदेश सरकारले संघीय सरकारसँग पहल गर्ने बताए ।
प्रदेश नं ५ का तिन जिल्ला रूपन्देही,नवलपरासी र कपिलवस्तु जिल्लाका स्थानीय तहका प्रमुख तथा पदाधिकारी, प्रमुख प्रशासकीय अधिकृत र सरोकारवाला निकायका प्रमुख तथा प्रतिनिधिहरूको सहभागिता रहेको कार्यक्रममा मन्त्रालयका सचिव यामनारायण देवकोटाले मन्त्रालय र सरोकारवाला निकायहरूबीचको सहकार्यमा अगाडि बढाउने योजनाका बारेमा प्रकास पारेका थिए ।
कार्यक्रममा तिलोत्तमा नगरपालिकाका नगर प्रमुख बासुदेव घिमिरे,देवदह नगरपालिकाका प्रमुख हिराबहादुर खत्री, सैनामैना नगरपालिकाका प्रमुख चित्र बहादुर कार्की, बुटवल उपमहानगरपालिकाकी उप प्रमुख गुमादेवी आचार्य, नवलपरासी सुस्ता गाउपालिका प्रमुख रामप्रसाद पाण्डे, कपिलवस्तु मायादेवी गाउपालिका प्रमुख, बजरंगि चौधरी, रूपन्देहीको सम्मरीमाई गाउँपालिकाका प्रमुख प्रशासकीय अधिकृत टुकराज पाण्डे, किशानका लागि उन्नत बिउ बिजन कार्यक्रमका प्रमुख महेन्द्र भण्डारी लगायतले बोल्दै प्रदेश सरकार र स्थानीय तहबीच समन्वय र सहकार्य अपरिहार्य रहेको बताए ।à