खोज

बुटवल, १० मंसिर । बुटवलकोे दीप बोर्डिङ्ग हाई स्कुलमा कक्षा ७ मा अध्ययनरत विद्यार्थीहरुले आफ्ना अभिभावक अगाडी प्रतिभा प्रस्फुटन गरेका छन् । सोमबार विद्यालयमा एक कार्यक्रमको आयोजना गरी कक्षा ७ का १ सय ६४ जना विद्यार्थीहरुले गीत, गजल, नृत्य, भाषणा, तेक्वान्दो, चित्रकला, वाक कला लगायतका प्रस्तुति दिए ।

कार्यक्रममा बुटवल उपमहानरपालिका वडा नम्बर ८ का वडा अध्यक्ष यज्ञ प्रसाद पंगेनीले विद्यालयस्तरमा आयोजना हुने प्रतिभा पहिचान तथा प्रफुटन कार्यक्रमबाट बालबालिकाहरुमा आत्मविश्वास बढाउने बताए । अभिभावकहरु आफ्नो बालबालिकाहरुको प्रतिभा चिन्नको लागि समेत कार्यक्रम सहयोगी हुने उनले बताए ।

कार्यक्रममा विद्यालयका प्रधानाध्यापक टिकाराम न्यौपानले किताबी ज्ञानसंगै विद्यार्थीहरुमा अतिरिक्त प्रतिभालाई प्रस्फुटन हुने गरि विद्यालयमा कार्यक्रम गर्दै आएको बताए । उनले विद्यार्थीहरुमा भएको अन्तरनिहित प्रतिभालाई वाहिर प्रफुटन गर्नको लागि यी यस्तो प्रकृतिका कार्यक्रम आवश्यक रहेको समेत बताएका थिए ।

कार्यक्रममा विद्यालय व्यवस्थापन समितिका अध्यक्ष राजेन्द्र प्रसाद ध्वजु, उपाध्यक्ष उमाकान्त चापागाई लगायतको कार्यक्रमबारे प्रकाश पारे । प्रतिभा प्रस्फुटन गर्ने विद्यार्थीहरु मध्ये उत्कृष्टलाई पहिचान गरी विद्यालयको बार्षिक उत्सव लगायतका कार्यक्रममा पुरस्कार तथा सम्मान गरिने समेत विद्यालयले जनाएको छ ।