खोज

रामग्राम नगरपालिकामा गत बर्षदेखि नै न्यायिक समितिले कार्य गर्दै आएपनि औपचारिक रूपमा आईतवार देखि इजलास सञ्चालनमा ल्याएको हो । न्यायिक समितिलाई विधिवत सञ्चालनमा ल्याउने गरि इजलास गठन गरिएको आईतवार न्यायिक समितिका संयोजक समेत रहेकी उप प्रमुख रम्भा कुवँरले जानकारी गराएकी हुन् ।
अहिलेसम्म नगरपालिकाको न्यायिक समितिमा परेका उजुरीहरू मेलमिलाप कर्ता मार्फत मिलापत्र गराउँदै आएको भए पनि अब देखि मिलापत्र नभए न्यायिक समितिले फैसला सुनाउने छ । मिलापत्रलाई नै बढि महŒव दिइने अहिले पनि न्यायिक समितिको लक्ष्य रहेको छ,उपमेयर कुवँरले भनिन् तर मिल्दै नमिलेको अवस्थामा कानुनमा ब्यवस्था भए बमोजिमको निर्णय गर्दै न्यायिक समितिले फैसला सुनाउने छ । सो फैसलाप्रति चित्त नबुझेको पक्ष जिल्ला अदालत वा उच्च अदालतमा अपिल गर्न पाउने छ । न्यायिक समिति चुस्तदुरुस्त बनाई सञ्चालनमा ल्याउने लक्ष्य रहे पनि तत्काललाई कर्मचारी र न्यायिक क्षेत्रका अनुभवी र कानुनी सल्लाहकारको ब्यवस्था नभएका कारण चुनौती रहेको उनले सुनाइन् । नगरपालिका नै प्रतिबादी भएर कुनै मुद्दा परे ति मुद्दामा पनि न्यायिक समिति तटस्थ भैै न्याय निसाफ गर्ने उनले दाबी गरिन् । नगरपालिका दोषी देखिए नगरपालिकाका सरोकारवालालाई पनि कानुन अनुसार फैसला गरि नागरिकलाई न्याय दिलाउनमा पछि नपर्ने उनको भनाइ थियो ।
पत्रकार सम्मेलनमा उनले अहिलेसम्म न्यायिक समितिले मेलमिलापकर्ताको सहयोगमा गर्दै आएको कार्य प्रगति समेत प्रस्तुत गरेकी थिईन् ।
प्रस्तुत प्रतिवेदन अनुसार चालु आर्थिक बर्षको साउन देखी भदौ मसान्तसम्म नयाँ विवाद दर्ता भएको १० वटा मुद्दा रहेको छ । र अघिल्लो आर्थिक बर्षबाट आएको ११ वटा विवाद गरि कुल २१ वटा मुद्दा परेको छ । जसमध्ये १० वटा विवादको किनारा लागि सकेको छ, उनले भनिन्, बाँकी विवाद मिलाउने कार्य भई रहेको छ । तर अन्तिमसम्म नमिले अब इजलासमा राखेर प्रकृयाबद्ध तरिकाले फैसला गरिने छ । मिलेका मुद्दा मध्ये पतिपत्निको आन्तरिक विवाद २, साधसिमानाका ३, माछा क्षतिपूर्ति १,ज्याला मजदुरी सम्बन्धी १ पोखरी सम्बन्धि १, सार्वजनिक बाटो सम्बन्धि १ र परिवारिक विवाद सम्बन्धी १ गरि कुल १० मुद्दाको किनारा लागिसकेको छ, उनले थपिन बाँकी रहेका ११ वटा अब इजलासमा पेश हुनेछ । त्यसै गरि नगरपालिकामा न्यायिक समिति गठन भए देखी कुल ७० वटा मुद्दा दर्ता भएकोमा ५९ वटा मुद्दाको मिलापत्र गराई समाधान गरि सकिएको तथ्याँक प्रस्तुत गरेकी थिइन् ।
न्यायिक समितिको सदस्यमा रहेकी सुनिता श्रेष्ठ र अनिता तिवारीले समेत न्यायिक समितिमा कृयाशिल भई काम गर्दै आएको उनले जानकारी गराएकी थिइन् । अहिले हाम्रो लागि यो सिकाईको अवस्था हो, न्यायिक समितिका सदस्य श्रेष्ठले भनिन्,न्यायमा सहज ढंगले पहुँच सबैको पुगोस भनि हामी तदारुकताका साथ काम गर्दै आएका छौ । अहिले इजलास मार्फत न्याय निरूपण अझ प्रभावकारी भएर जाने उनको भनाई थियो । त्यसै गरि आर्की सदस्य तिवारीले पनि गर्दै सिक्दै गरेको अवस्थामा धेरै क्षेत्रमा सहयोग भई रहेको र सो सहयोग निरन्तरताको आपेक्षा समेत लिएको बताएकी थिइन् । नगर क्षेत्रभित्र केही जनजाती र अल्पसंख्यक जस्तै पथरकट्टा र डोम समुदायमा आफ्नै न्यायिक सभा समेत रहने हुँदा ती सभाबाट पनि अब मेलमिलापकर्ता नियुतm गरि ति सामुदायिक न्यायलाई पनि नगरको न्यायिक समिति भित्र ल्याएर एकरूपता ल्याउने कार्य पनि भइरहेको जानकारी पत्रकार सम्मेलनमा गराइएको थियो ।