खोज

सिद्धार्थ गौतम बुद्धको राज्य रहेको ऐतिहासिक तिलौराकोट क्षेत्रमा धेरै पर्यटकिय क्षेत्रहरू छन् । वर्षेनी यहाँ भित्रने पर्यटकहरूलाई राम्रो बास र खानाको उपलब्धता नहुँदा छोटो समयको यात्रा गर्न बाध्यता रहेको थियो । पर्यटकहरूको सुबिधाका लागि पछिल्लो समय यहाँ सेवा उद्योगहरू खुल्ने क्रम जारी छ । महिता–३, तिलौराकोटमा वि.सं २०७२ मा भौतिक निर्माण शुरु गरेको होटल तिलौराकोट ईन्टरनेशनल प्रालिले आफनो सेवा वि.सं. २०७३ वैशाखबाट संचालनमा ल्याएको हो । करीब साढे ५ कठ्ठा क्षेत्रफलमा आकर्षक पूर्वाधार निर्माण भएको छ । तत्कालिन समयमा साढे ३ करोड लगानीमा पूर्वाधार तयार भएको संचालक दिनेश रायमाझीले बताए । तौलिहवा मुख्य बजारदेखि ४ सय मिटरको दुरीमा होटल छ । पूर्वमोहडामा स्वागतद्वार रहेको होटलको उत्तर मोहडाको मुख्य भवन रहेको छ । दुई तल्ला भवनमा डिलक्स कोठाहरू छन् । यसका साथै एउटा ३० जना क्षमताको मिटिङ्ग हलसमेत यही भवनमा रहेको छ । होटलमा सिङगल र डबल्स गरि १५ वटा डिलक्स कोठाहरू छन् ।
जसमा ७ वटा सिङगल र ८ वटा डबल्स रुमहरू एटेच, वातानुकुल, वाईफाई फ्रि, तातोचिसो पानीको समेत सुबिधा रहेको छ । मुख्य भवनको पूर्वतर्फ एउटा ५० जना क्षमताको मिनि हल, रेष्टुरेन्ट र किचन रहेको छ भने उत्तरमा कार्यक्रमहरू गर्न उपयुक्त हल छ । हलको नाम नै बुद्ध हल नामाकरण गरिएको छ जुन करिब ३ सय जना क्षमताको छ । विभिन्न कार्यक्रमहरूका साथै बिबाहभोजका कार्यक्रमका लागि यो हल उपयुक्त छ ।
होटलमा ३ जना सेफ, २ जना हेल्पर सहित ११ जनाले रोजगार पाएका छन् ।
सेवाग्राहीको मागलाई मध्यनजर गरेर होटलमा केही सेवा थप गर्ने योजनामा रहेको रायमाझीले बताए । पछिल्लो समयमा स्वीमिङ्ग पुल र फिटनेशको सेवाको माग बढेकाले थप्ने गरि जग्गा बढाउने तयारीमा रहेको उनले बताए । आकर्षक सजावट सहित होटलमा कफि परिकारहरू समेत उपलब्ध रहेको छ । होटलमा विभिन्न नास्ता, खानाका परिकार उपलब्ध छन् । चाईनिज, ईण्डियन, कन्टिनेन्टल लगायत सबै खानाका परिकारका साथै स्वदेशी तथा विदेशी पेय पदार्थहरू समेत उपलब्ध हुन्छ । होटललाई हरियालीसहितको गार्डेन बनाउने काम समेत भएको छ । भने पार्किङ्गको समेत राम्रो ब्यवस्था रहेको छ ।