खोज

बुटवल, १९ चैत ।
भगवान गौतम बुद्ध जन्मीएको जिल्ला रूपन्देही । लुम्बिनी सांस्कृतिक नगरपालिका संगै जोडीएका पालिकाहरूले पर्यटन प्रवद्र्धनको काम जोड नदिइरहेको अवस्थामा तिलोत्तमा नगरपालिकाले नीतिगत व्यवस्था नै गरी ‘भिजिट लुम्बिनी स्टे ईन तिलोत्तमा’ अभियान सुरुवात गरेको छ । नगरपप्रमुख रामकृष्ण खाँणका अनुसार भगवान् गौतम बुद्धको जन्मस्थल लुम्बिनी आउने पर्यटकलाई बास बस्नको लागि भौतिक सहितका विभिन्न संरचना निर्माण गरी तिलोत्तमामा बास बसाउने गरिएको अभियान अहिले जारी रहेको हो ।

जसअनुसार पालिकाका विभिन्न पर्यटकीय क्षेत्रको विकास सहित हस्पिटालिटी क्षेत्रमा आधुनिक होटल, रेष्टुरेन्टको प्रवद्र्धनात्मक कार्यक्रम नगरपालिकाले चलाइरहेको छ । नगरपालिका चालु आर्थिक बर्षको सुरुवाती बर्षमा गरिएको नगर सभामा नै लुम्बिनी घुम्न आउने पर्यटकलाई आफ्नो नगरमा बस्न अभियान सञ्चालन गर्नेगरी उल्लेख गरिएको थियो ।
तिलोत्तमाको चालु आर्थिक वर्षको नीति कार्यक्रममा नै उल्लेख गरी उक्त अभियानालई सार्थक रूप दिने गरी काम भैरहेको नगरप्रमुख रामकृष्ण खाँण बताउँछन् । जसको लागि लुम्बिनी विकास कोषको समन्वयमा अभियान सञ्चालन गर्ने गरी काम भैरहेको उनको भनाइ छ । सर्वप्रथम नरपालिकाले लुम्बिनी आउने पर्यटकलाई तिलोत्तमा नरगरपालिका भित्र रहेका विभिन्न हस्पिटालिटीको आंकलन, मूल्यांकन, सेवा सुविधा लगायतको विषयमा सोही विषय क्षेत्रका व्यवसायीहरूको विचमा वृहत छलफल गरी उक्त अभियान कार्यान्वयन गरिएको हो ।

रामकृष्ण खाँण
नगर प्रमुख, तिलोत्तमा नगरपालिका ।

पालिका भित्र सञ्चालनमा रहेका स्टार होटल देखि लिएर ए, बी र सी बर्गका होटलहरू समेत रहेको कारण यसको लागि थप संरचना निर्माणको लागि समेत व्यवसायीहरूको बीचमा सहकार्य गर्न सकिने उनको भनाइ छ । नगर प्रमुख खाँणका अनुसार कोटिहवामा रहेको देशकै चर्चित फाईभ स्टार होल टाईगर प्यालेस सहित नयाँ निर्माणको क्रममा रहेका स्टार होटलहरू, सञ्चालनमा आएका व्यवस्थित ए क्लासका होटलहरूले गर्दा पनि तिलोत्तमा बास बस्ने गतिलो स्थानको रूपमा अगाडी बढ्ने कुरामा दुईमत छैन ।

उनि भन्छन्–‘तिलोत्तमा नगरपालिका भित्र रहेका लगानीलाई प्रोत्साहन गर्न लुम्बिनी विकास कोषको समन्वयमा लुम्बिनी घुम्न जाऔं तर बास बस्न तिलोत्तमा आऔं’ भन्ने अभियान चलाउने छौं ।तिलोत्तमा क्षेत्रमा नयाँ स्थापना हुने आधुनिक, अत्याधुनिक होटल तथ बुटिक प्रकृतिका होटललाई नीति कार्यक्रममा नगरपालिका लाई समेटेर विशेष सम्बोधन गरिने नगर प्रमुख खाँणको भनाई छ । पालिकाले सबै वडाका पर्यटकिय स्थलको जानकारी सहित तिलोत्तमा पर्यटन पुस्तीका प्रकाशन गरिने, घुम्न जाउँ तिलोत्तमा, तिलोत्तमा घुमौं, तिलोत्तमा चिनौं जस्ता अभियान मार्फत आन्तरिक पर्यटन प्रर्वद्धका क्रियाकलाप सञ्चालन गरिने छ ।

यसको साथै संकरनगर वन विहार तथा अनुससन्धान केन्द्र (बनवाटिका) क्षेत्रमा पर्यटन सूचना केन्द्र स्थापना गर्ने, नगरका मुख्य चोकमा पर्यटन सूचना पाटी राखिने नीति कार्यक्रममा उल्लेख छ । रोहिणी तिनाउ सौन्दर्यकरण योजना सञ्चालन गरिने रोहिणीमा बाँध बनाइ निमार्ण हुने जलाशयमा देवदह नगरपालिकासँगको सहकार्यमा जल पर्यटन सेवा सञ्चालन गरिने योजना पालिकाको नीति तथा कार्यक्रममा उल्लेख छ । थारु संग्रालय सम्पन्न गर्ने, सखिया थारु होम स्टेलाई तिलोत्तमा नगरपालिकाको अतिथि सत्कार क्षेत्रको रूपमा विकास गर्ने कार्यक्रम पनि नीति तथा कार्यक्रममा उल्लेख गरिएको छ ।

लामो समय देखि निर्माण सम्पन्न भएको वन बाटिका क्षेत्र भित्र रहेको तिलोत्तमा बहुउदेश्य व्यवसायीक भवन सञ्चालनको लागि नयाँ आर्थिक बर्षमा शुभारम्भ गरिने योजना रहेको नगर प्रमुख खाँणले बताए । अहिले उक्त व्यवसायीक भवन (टावर) को लागि १ करोड बजेट नरपालिका बाट विनियोजन गरिएको जानकारी दिदै प्रमुख खाँणले जे जस्तो अवस्थामा रहेको छ, अन्य संरचना पछि थप्ने गरी उक्त टावर सञ्चालन गरिने जानकारी दिए । उनले भने–‘व्यवसायीक टावरमा स्वीमीङ्ग पुल सहितका संरचना पछि निर्माण गर्ने गरी अहिले आउदै गरेको नयाँ बर्षमा सञ्चालन गर्ने गरी काम अगाडी बढ्ने छन्,जसले पर्यटक तान्न सहयो पु¥याउने छ ।’

तिलोत्तमा नरपालिका भित्र आन्तरिक तथा बाह्य पर्यटकको तान्ने स्थानको रूपमा शंकरनगर बनबाटिका, बनबाटिका भ्यु टावर, कुन्जपार्क, बाऊन्नकोटी मन्दिर तथा पार्क, नन्द भाउजु ताल, सुख–शान्ति बौद्ध बिहार, हरियाली पार्क, शहिद स्मृति पार्क, तिलोत्तमा पार्क, बिपी पार्क, हात्ती पाक रहेका छन् । धार्मिक स्थलमा श्रीङ्गेश्वर धाम, सरस्वति पंचायन मन्दिर, बैदिक आश्रम, देबिस्थान मन्दिर, बौद्ध बिहार करौजिया, मोक्षधाम ,अन्तराष्ट्रिय बौद्ध परियात्ति उदय बिहार, ऐतिहासिक कुमारबर्ती कुवा, बिन्दबासिनी धाम, बासघारी मन्दिर, विभिन्न बौद्ध गुम्बा, विभिन्न मठ मन्दिर लगायतका रहेका छन । यहाँका विभिन्न होटल रिसोर्ट तथा होम स्टेहरूले पनि आन्तरिक तथा पर्यटक तानिरहेको छ ।