खोज

बुटवल, २० फागुन ।
पर्यटन ब्यवसायीहरुको साझा संस्था होटल तथा रेस्टुरेन्ट व्यवसायी संघ, रुपन्देहीको २४ साधारण सभा तथा १२ अधिवेसन चैतको अन्तिम साता हुने भएको छ । संघको सचिवालयमा बसेको बैठकबाट आउदो चैत २४ र २५ गते अधिवेसन गर्ने निर्णय गरेको संघका महासचिव अर्जुन थापाले बताए । अधिवसेनको तयारीका लागि विभिन्न उपसमिति गठन गरिएको उनले बताए । नया नेतृत्व चयनको समेत कार्य हुने हुदा यसका लागि आवश्यक तयारी थालेको उनले बताए । अधिवेसनमा सहभागी हुने सम्पूर्ण सदस्यहलाई चैत १० गतेभित्र संस्थाको नबिकरण गरिसक्नुपर्ने समेत उनले जानकारी दिए ।

यसैबिच ईलाका प्रहरी कार्यालय बुटवलमा सरुवा भई आउनुभएका कार्यालय प्रमुख प्रहरी नायव उपरीक्षक इन्द्र बहादुर रानालाई होटल तथा रेस्टुरेन्ट व्यवसायी संघ, रुपन्देहीद्वारा विशेष स्वागत तथा सम्मान कार्यक्रम गरिएको छ । कार्यक्रममा संघका अध्यक्ष लेखनाथ भण्डारीले होटल ब्यवसायी र प्रहरी एकअर्काबिच सहकार्यको सम्बन्ध जरुरी रहने भन्दै समयमा नै होटलमा हुने ससाना घटनाहरुमा सचेत भएमा प्रहरीलाई खबर गर्दा ठुलो घटना रोकिएको उनले उदाहरणहरु पेश गरे ।

कार्यक्रममा ईलाका प्रहरी कार्यालयका प्रमुख नायव उपरीक्षक इन्द्र बहादुर रानाले बुटवल क्षेत्रको शान्ति सुरक्षा तथा व्यवसायिक वातावरणलाई अझ मजबुत बनाउन निरन्तर सहकार्य गरेर जानेमा प्रतिवद्धता जनाए ।

यसैबिच संघको वार्षिक कार्यक्रम अन्तरगत संस्कृति संरक्षण गर्ने गरि मनाउदै आएको होलिमिलन कार्यक्रम गर्न संघका सदस्य दामोदर पौडेलको संयोजकत्वमा नारायण श्रेष्ठ, सुन्दर कुमार श्रेष्ठ, केशवराज पाण्डे र एकादेव पाण्डेको उपसमितिलाई जिम्मेवारी तोकिएको संघका वरिष्ठ उपाध्यक्ष माधव खनालले बताए । बैठकमा बुटवल खाना महोत्सव तथा माघे संक्रान्ती २०८१ को आम्दानी खर्च, बनभोज समिक्षा लगायत सम्पन्न भएको उनले बताए ।