खोज

भैरहवा, २६ चैत ।
नेपाली नयाँ बर्ष २०८२ लाई लक्षित गर्दै भैरहवाको तारे होटल नान्सले सांगितिक कार्यक्रम सहितका कार्यक्रम आयोजना गर्ने भएको छ । नेपाली नयाँ वर्षमा आन्तरीक एवं बाह्य साथै स्थानिय ग्राहकलाई लक्षित गर्दै चैत ३१ गते आइतवार बेलकी ६ बजे देखि मध्यरात सम्म कार्यक्रम आयोजना हुन गैरहेको नान्स होटलका महाप्रबन्धक सुनिल श्रेष्ठले बताए ।

होटलको स्विमिङ पुल साइडमा साँगीतिक माहोल सहितको कार्यक्रम आयोजना हुनेछ । महाप्रबन्धक श्रेष्ठका अनुसार सांगितिक कार्यक्रममा यमन ब्यान्डको प्रस्तुती साथै चर्चित डान्सर अभिषा राई,प्रशंसा क्षेत्रीको समेत नृत्य रहेको छ । । इभमा साँगीतिक कार्यक्रममा सहभागी हुन प्रवेश निशुल्क रहेको र आफूलाई मनपर्ने बिभिन्न खानाका परिकार मेनु अनुसार अर्डर गरी खान सकिने श्रेष्ठले बताए ।

होटलमा बस्न आउने ग्राहकका लागि एक रातको ७ हजार ५ सय रुपैयाँको अफर ल्याएको छ । अफर अनुसार एक रात बास बसेको, रात्री बफेट डिनर र बिहानको ब्रेकफास्ट सो रकममा २ जना (कपल)को लागी उपलब्ध रहेको होटलले जनाएको छ ।
कपलको लागि आकर्षक डिलक्स रुम, स्वागतम पेय पदार्थबाट साथै रेस्टुरेन्ट फुड्मा २० प्रतिशत सम्म छुट उपलब्ध गराएको र आन्तरिक पर्यटक लक्षित यो योजना चैत्र मसान्त देखि २०८२ बैशाख ३ गते सम्म लागू हुने बताइएको छ ।
चार तारे नान्स होटल भैरहवाको देबकोटा चोकमा अवस्थित छ । होटलमा स्विट र डिलक्स गरी ६० कोठा रहेको छ भने कुची भ्वय नामको नेवारी रेष्ट्रो र क्याफे थर्टिन्थ स्ट्रीट नामको २४ घन्टे कफी सप समेत रहेको छ, होटल परिसरमा क्यासिनो प्याराडाइज सञ्चालनमा छ ।