खोज

सल्यान, १८ कार्तिक ।

प्रदेशसभा सदस्य पदका लागि सल्यान निर्वाचन क्षेत्र नम्बर २ बाट स्वतन्त्र उम्मेदवारी दिएका निर्मल सिंहले नेकपा एमालेका उम्मेदवार गुलावजंग शाहलाई समर्थन गरेका छन् । एमालेमै कटिबद्ध भएर लाग्ने र समग्र सल्यानको विकास तथा युवाहरुलाई अवसर प्रदान गर्न निरन्तर लागिपर्ने प्रतिबद्धता सहित उनले एमालेका पोलिटव्युरो सदस्य तथा सल्यान (ख) का उम्मेदवार शाहलाई समर्थन गर्ने भएका हुन् । शुक्रबार विहान श्रीनगरमा एमालेलाई समर्थन गर्ने उद्घोष गरेपछि एमालेका उम्मेदवार शाह र स्वतन्त्र उम्मेदवारी दिएका सिंहले संयुक्त विज्ञप्ती जारी गरेका छन् ।

विज्ञप्तीमा दुबैजनाले सल्यान दाङ सडकखण्ड स्तरोन्नतीका लागि प्रभावकारी कदम चाल्ने, शिक्षा, स्वास्थ्यको विकास संगै सल्यान अस्पताललाई प्रदेशकै सुविधा सम्पन्न अस्पताल बनाउन पहल गर्ने र युवाहरुलाई अवसर प्रदान गर्ने प्रतिबद्धता पनि जनाएका छन् ।

विज्ञप्ती सार्वजनिक गर्ने कार्यक्रममा प्रतिनिधीसभा सदस्यका लागि सल्यानबाट नेकपा एमालेका उम्मेदवार राजेन्द्रवीर राय, एमाले सल्यानका उपाध्यक्ष भिम बहादुर सेन, सचिव ओज बहादुर बुढाथोकी, उपसचिव, पुस्पा कुमारी वोहरा, जिल्ला कमिटी सदस्यहरु लगाएतको सहभागिता थियो । गुलावजंग शाहलाई समर्थन गरेका सिंह शुक्रबार देखि नै एमालेको चुनावी कार्यक्रममा हिडेका छन् ।

युवासंघका कोषाध्यक्ष सहित ३ जना एमालेमा प्रवेश

यसैविच नेकपा एकिकृत समाजवादी निकट युवासंघ सल्यानका कोषाध्यक्ष सुरेश चन्द, जिल्ला कमिटी सदस्य प्रकाश चन्द रतरुण दल सल्यानका सदस्य कमल मल्ल एमालेमा प्रवेश गरेका छन् । एमालेबाट प्रचिनिधीसभाका उम्मेदवार राजेन्द्रवीर राय, प्रदेशसभा ख का उम्मेदवार गुलावजंग शाह लगाएतका नेताहरुले शुक्रबार विहान खलंगा स्थित पार्टी कार्यालयमा पार्टी प्रवेश गराएका थिए ।