खोज

बुटवल, १४ कार्तिक ।
स्थानीय सरकार, प्रदेश सरकार र संघीय सरकारको समेत सरोकारको विषय बनेको पाल्पा जिल्लाको तिनाउ गाउँपालिका ४ मा रहेको सत्ववती मन्दीर तालले पुर्वाधार अभाव झेलिरहेको छ । तीनवटै सरकारको चाँसोमा परेको भएपनि प्रयाप्त मात्रामा बजेट विनियोजन नहुँदा यो क्षेत्रमा रहेका पुर्वाधार अधुरा रहेका छन् भने सडक पुर्वाधारबाट सहज रुपमा पुग्न सकिने अवस्था रहेको छैन । विश्वमै पहिलो र एक मात्रै रात्रीको समयमा बाँसको लिंङ्गो सहित चिच्चाएर बर मागेमा ‘सत्यवती बजैले मनोकामना पुरा गरिदिने’ जनविश्वास रहेको यो धार्मिक क्षेत्रमा प्रत्येक बर्ष लाखौंको संख्यामा धार्मिक पर्यटन जाने गर्दछन् । यद्यपी सडक पुर्वाधारको समुचित व्यवस्थापन नहुँदा पैदल नै उक्त क्षेत्रमा जानुको विकल्प नभएको हो ।

धार्मिक पर्यटकिय महत्व बोकेको पाल्पा तिनाउ गाउपालिका वडा नं ४ स्थित सत्यवती मन्दिर पुर्वाधार विकास र सडक संजालमा जोडिन नसक्दा पछि परेको छ । प्राथमिकतामा रहेर प्रत्येक वर्ष ३ तहकै सरकारबाट बजेट बिनियोजन भएपनि कामले गति लिन सकेको छैन । वर्षेनी हजारौ धार्मिक पर्यटकहरुलाई सास्ती हुने गरेको छ । वार्षिक लाखौ बजेट परेपनि पुर्वाधार विकास सुस्त गतिमा छ ।
आईतबार मन्दिर परिसरमा भेटिएका पोखराका मीन भण्डारी निक्कै सास्ती ब्यहोरेर मन्दिरमा पुजा गर्न आएको बताए । ४० वर्षअघि मन्दिरमा सत्यवती बजैसंगै चिच्याएर गरेको भाकल पुरा भएर मन्दिर आएको बताए । ‘मन्दिरमा सत छ ।’– उनले भने । धेरै वर्षपछि आउदा सडक संजाल निमार्णको क्रम भएपनि बाटो अप्ठयारो भएको उनको दुखेसो छ । धेरै कठिनाई झेल्दै चारपाग्रेमा मन्दिरसम्म आएको उनले बताए । सरकारले पुर्वाधार विकासमा ध्यान दिनुपर्ने उनको सुझाव छ ।
तिनाउ गाउपालिकाका वडा नं ४ का स्थानिय बल बहादुर सुनारी चुनाव जितेपछि नेताहरु विकास गर्न भुल्ने गरेको दुखेसो गरे । मन्दिरमा लाग्ने मेलामा पुजासामग्रीहरु बासको लिगो, फलफुलहरु बिक्रि गर्ने उनि सडक नै सबैभन्दा पहिलो आवश्यकता भएको बताउछन । सडक बन्न सके धेरै पर्यटक भित्रने उनको दाबी छ । पहिले पहिले वर्षमा एक पटक मेला भर्ने भएपनि अहिले टाढाटाढा भक्तजनहरु हरेक महिनाको पुर्णिमामा दर्शन गर्न आउने उनले बताए । धार्मिक पर्यटकहरुलाई सडक पुर्वाधार र सेवा दिन सके यसबाट स्थानियलाई फाईदा मिल्ने उनको तर्क छ ।
वार्षिक लगानी ३० लाख रुपैया बढि बजेट बिनियोजना भैरहेको मुल मन्दिर पुर्ननिमार्ण गरेर भब्य बनाउनुपर्ने आवश्यकता रहेको सत्यवति मन्दिर ताल संरक्षण विकास समितिका अध्यक्ष दान बहादुर गाहा बताउछन । ‘पुर्वाधार विकास सुस्त गति छ ।’– उनले भने । निर्वतमान जनप्रतिनिधिसमेत रहेको उनि विकासमा राजनीति र कर्मचारी बाधक भएको दाबी गर्छन । संघिय सरकारबाट पुर्वाधार निर्माणमा परेको १ करोड बजेटबाट ताल वरपर सडकपेटी बनाउने, पोखरी बिस्तार, प्रतिक्षालय निर्माण गर्ने जस्ता कामहरु भएको उनि बताउछन । राष्ट्रिय तालतलैया योजनाबाट ३० लाख रुपैया बजेट, पर्यटन मन्त्रालयबाट १० लाख रुपैया बजेटबाट वाल निर्माणका लागि ३ वर्ष अघि र चुरे संरक्षण अन्तरगत पर्यटन मन्त्रालयबाट समेत बजेट बिनियोजन भैरहेको उनले बताए । गाउपालिकाबाट १० लाख र १५ लाख गरि दुईपटकमा सौचालय निर्माण भएको उनि बताउछन । यसैगरि भेटि आम्दानीबाट पुजारी, पुजा खर्चसहित अन्य पुर्वाधारमा लगाईएको उनले बताए ।
तिनाउ गाउपालिका अध्यक्ष प्रेम श्रेष्ठ आफुहरुको पहिलो प्राथमिकता सडक संजालले मन्दिर र गाउलाई जोड्ने भएको बताउछन । प्रदेश सरकार र स्थानिय सरकारको पहलमा ५० लाख रुपैया बजेट बिनियोजना भएर सत्यवति धार्मिक पर्यटिकय पहुच मार्ग टेण्डर भैसकेको उनले बताए । पाच वर्षभित्र बाटो ब्यवस्थापन गर्ने प्रतिवद्घता जनाएका उनले वर्षामा सम्पर्क विहिन वडाको रुपमा पहिचान बनाएको सो क्षेत्रलाई पहुच मार्गमार्फत जोड्ने बताए । बहुवर्षिय योजनामा राखेर २ करोड २५ लाख रुपैया बजेटमा गोरबन्दी खोला पुल निर्माणको काम अघि बढेको उनले बताए । यसैगरि सो क्षेत्रमा दुई वटा केबुलकार निर्माणको स्वीकृति लिएर काम अघि बढेको उनले बताए । चाडो काम हुन सके यो क्षेत्र मनकामना मन्दिर जसरी नै धार्मिक पर्यटन विकास हुने उनको दाबी छ ।