खोज

लमही नगरपालीका ४ का महेश आयार्य नागरिकता सच्चाउनका लागि सुक्रवार ईलाका प्रशासन कार्यालय लमही पुगे । उनको नागरीकता हराएकोले लिएको प्रतिलिपीमा जारी मिति गलत भएको थियो । ईलाका प्रशासन कार्यालय लमहिले जिल्ला प्रशासन कार्यालय जानुपर्ने बतायो । सुक्रवार घोराही आउन उनलाई समय भएन । सनिवार कार्यालय खुल्ने जानकारी पाएका आचार्य पौने एक बजे जिल्ला प्रशासन कार्यालय घोराहीमा पुगे । उनको कागजात हेरेपछि फाटवाला कर्मचारीले तुरुन्तै काम गरीदिए । पाँच मिनेटमै उनको काम सकियो । उनी खुसीहुदै यो निर्णयको निरन्तरता होस् भन्दै निस्किए ।
जिल्ला प्रशासन कार्यालय दाङ शनिवार पनि खुल्ला रहेको छ । भदौ महिनाको पहिलो सनिवार ६ जना सेवाग्राहीले सेवा लिएका छन् । प्रमुख जिल्ला अधिकारी गजेन्द्रबहादुर श्रेष्ठले भदौबाट शनिवार पनि कार्यालय खुल्ला रहने नीति बनाए अनुसार पहिलो दिन ६ जना सेवाग्राहीले सेवा लिएका छन् । जिल्ला प्रशासन कार्यालय सनिवार पनि खुल्ला रहेको पहिलो दिनमै ६ जना सेवाग्राहीले सेवा लिएको जिल्ला प्रशासन कार्यालयका अधिकृत अमरराज शर्माले जानकारी दिए । अधिकृत शर्माले दिएको जानकारी अनुसार पहिलो दिन तिन जना सेवाग्राहीले नेपाली नागरिकता लिएका छन् । यस्तै एक जनाले राहदानीको सिफारिस, एक जनाले नामथर प्रमाणित र एक जनाले सवारी पास सम्वन्धि कार्यालयबाट सेवा लिएको अधिकृत शर्माले जानकारी दिए ।
सेवाग्राहीको सहजताका लागि अवदेखी शनिबार पनि कार्यालय खुल्ला रहने छ । सरकारी कर्मचारीलाई बिदाको दिन सेवा लिन सहज हुने तथा शुक्रबार काम नसकिएका सेवाग्राही शनिबार त्यत्तिकै सदरमुकाम बस्नुपर्ने बाध्यता रहेको भन्दै त्यसलाई अन्त्य गर्ने र सवैको सहजताका लागि शनिबार विहान ११ वजेदेखी दिउँसो २ बजे सम्म तिन घण्टा सेवा प्रवाह गरिने प्रमुख जिल्ला अधिकारी श्रेष्ठले जानकारी दिए । जिल्ला प्रशासन कार्यालय दाङले गत वर्षको विजया दशमी बिदामा पनि कार्यालय खुल्ला गरी सेवा प्रदान गरेको थियो । शनिबार कार्यालय खुल्ने भएपछि स्थानीय तहबाट शुक्रबार सिफारिस लिएकाहरुलाई शनिबार बिदाको दिन सेवा लिन सहज हुने र एक दिन पर्खनु पर्ने बाध्यता हट्ने अपेक्षा कार्यालयले गरेको छ ।