खोज

बर्दिया, ३० गते ।
थारु आयोगले दस्तावेजीकरणका लागि थारुहरूको बारेमा अध्ययन शुरु गरेको छ । आयोगले थारुहरूको पुस्तौं देखि भए गरेका इतिहासको बारेमा अध्ययन शुरु गरेको हो ।आयोगले अध्ययनका लागि आठ ओटा बुँदा तयार पारेर अध्ययन गरिरहेको जनाएको छ । नेपालको ७७ जिल्ला मध्ये थारु भएका सबै जिल्लामा यो अध्ययन गरिने थारु आयोगका कार्यवाहक अध्यक्ष सुवोध सिंह थारुले बताए ।

थारु आयोले थारु समुदायको बलिदानको इतिहास सम्बन्धी अध्ययन, थारु समुदायको समावेशीताको अध्ययन, थारु समुदायका खाद्य परिकार सम्बन्धी अध्ययन, थारु चाडपर्व तथा रीतिरिवाज सम्बन्धी अध्ययन, प्रदेश तथा स्थानीइ तहहरूसंग छलफल कार्यक्रम, थारु समुदाय लक्षित लोकसेवा तयारी कक्ष कार्यक्रम, सिकलसेल एनिमिया ता विटा थालेसेमियाको अध्ययन र थारु समुदायको मुक्त कमैया कम्लहरीको अवस्था अध्ययन गरि रहेको अयोगका कार्यवाहक अध्यक्ष थारुले बताए ।

नेपालमा थारुहरूले गरेको योगदान धरै छ तर कुनैपनि ठाँउमा स्थान पाएको देखिएको छैन । कार्यवाहक अध्यक्ष थारले भने, नेपालको तराई लगायत कर्णाली प्रदेशमा पनि थारुहरूको बसोबास रहेको छ तर सरकारले देखाउन सकेको छैन । नेपालको पुवै मेचिदेखि पश्चिम महाकालीसम्म तराईमा थारुहरुको जनसंख्या ४० लाख बढी रहेको पाइएको छ तर नेपाल सरकारले त्यो जनसंख्या दाता देखाउन नचाहेको अध्यक्ष थाले बताए । त्यति मात्र नभएर थारु समुदायले नेपाल देशलाई दिएको बलिदान समेत कतै उल्लेख गरिएको छैन् । थारु समुदायका भेषभुषा देखि लिएर खाने परिकार समेत अन्य समुदायका मानिसहरूले व्यापार गरी आय आर्जन गरिरहेका छन् तर त्यसको पनि लाभ कम मात्रमा थारु समुदायले लिन पाएका छन् । थारु समुदायले अहिलेसम्म गरेका बलिदान इतिहास दस्तावेजी करण गरेर राखेपछि आउने ठिडिहरूले थारु समुदायका बारेमा सजिलै अध्ययन गर्न सकुन भनर यो अध्ययन गरिएको हो ।

थारु समुदायमा देखा परेका सिकलसेल एनेमिया तथा विटा थालेसेमियका विरामीहरूलाई सरकारले दिइरहेको एक लाखको उपचार खर्च पनि अपुग हुने भएकोले यसको बारेमा पनि अध्ययन भइरहेको अध्यक्ष थारुले बताए । पूर्ण रूपमा कहिले पनि निको नहुने यो रोक विरामीहरूलाई सरकारले बिरामी बाचुन्जेलसम्म निःशुल्क उपचार दिनुपर्ने भएकोले यस बारे अध्ययन गरिरहेको हो । सिकलसेल विरामीका मनिसहरूले खाने औषधी निकै महाँगो र ओैषधी दैनिक खानु पर्ने भएकोले उपचार खर्च नपुगरे अल्पआयु मै थारु समुदायका मानिसहरूले मृत्युको मुखम पुगेको देखिएको कारणले यसके अध्ययन पनि निकै महत्वपूर्ण रहेको अध्यक्ष थारुले बताए ।

यी आठ ओटा अध्ययन थारु भएको सबै जिल्लाहरूमा शुरु भइसकेको छ । यो अध्ययन असार मसान्तसम्म पुर गरेर सरकार समक्ष प्रस्तुत गर्ने र थारु आयोले यसको बारेमा छुट्टै लेख राखी दस्तावेजीकरण गर्ने छ । थारु आयोग स्थापनाकाल देखि नै थारु समुदायको बारेमा अध्ययन गर्दै आइरहेको छ । यस पटक मुख्य बुँदा र उद्देश्य बनाएर अध्ययन गरिरहेको छ । यो अभियानमा थारु आयोगका सदस्य र कर्मचारी अध्ययनमा लागि परिरहेका छन् । अध्ययन निकै जटिल भएकाले समय लागिरहेको अध्यक्ष थारुले बताए ।